5 years ago
January 31, 2019
काठमाडौं (हाम्रो खेलकुद ) – चितवन टाइगर्सले राजधानीमा जारी १४औं रेडबुल ढोरपाटन सुजुकी महिला डबल लिग भलिबल प्रतियोगिता अन्तरगतको दोस्रो राउन्डमा बिहीबार दोहोरो जित निकालेको छ । चितवनले सामाखुशी इंग्लिस बोर्डिङ स्कुल (सेव) र श्रीगाँउ खेलकुद विकास समिति दाङलाई पराजित गर्दै दोहोरो जित निकालेको हो । नयाँ बसपार्कस्थित ढोरपाटन क्लबको खेल मैदानमा बिहीबार भएको पहिलो […]
काठमाडौं (हाम्रो खेलकुद ) – चितवन टाइगर्सले राजधानीमा जारी १४औं रेडबुल ढोरपाटन सुजुकी महिला डबल लिग भलिबल प्रतियोगिता अन्तरगतको दोस्रो राउन्डमा बिहीबार दोहोरो जित निकालेको छ । चितवनले सामाखुशी इंग्लिस बोर्डिङ स्कुल (सेव) र श्रीगाँउ खेलकुद विकास समिति दाङलाई पराजित गर्दै दोहोरो जित निकालेको हो ।
नयाँ बसपार्कस्थित ढोरपाटन क्लबको खेल मैदानमा बिहीबार भएको पहिलो खेलमा चितवनले सेवमाथि ३–० का सहज जित निकाल्यो । पहिलो सेट सहजै २५–१५ ल जितेको चितवनले दोस्रो र तेस्रो सेटमा जित निकाल्न निकै संघर्ष गर्नुपरेको थियो । रोमाञ्चक बनेको दोस्रो सेट चितवनले २७–२५ ले आफ्नो पक्षमा पार्दा निकै नै रोमाञ्चक र प्रतिस्पर्धात्मक बनेको तेस्रो सेटमा ३१–२९ को संघर्षूर्ण जित निकाल्यो ।
यस्तै चितवनले श्रीगाँउ दाङमाथि ३–२ को रोमाञ्चक जित निकाल्यो । चितवनले सुरुवाती दुई सेट गुमाएर जित निकालेको हो । पहिलो र दोस्रो सेट चितवनले १९–२५, २६–२८ ले गुमाएको थियो । तर, त्यसपछि उत्कृष्ट पुनरागमन गर्दै चितवनले लगातार तीन सेट आफ्नो पक्षमा पार्न सफल भयो । तेस्रो सेट २५–५ ले सहजै जितेको चितवनले चौथो सेट २५–१७ ले जित्यो । निर्णायक सेट १५–९ हात पार्न सफल भयो ।
दोहोरो जितसँगै चितवन १४ खेलबाट १३ अंक जोडेर पाँचौ स्थानमा उक्लिएको छ । बिहीबार २ खेलमा पराजित भएको सेव ११ अंकसहत छैटौ स्थानमा छ । श्रीगाँउ दाङ ११ खेलबाट ११ अंक जोडेर सातौ स्थानमा रहेको छ । अको खेलमा अपराजित रहेको एपीएफले सेवलाई २५–१२, २५–१५ र २५–२० ले हरायो । जितसँगै एपीएफले ११ खेलबाट ३३ अंक जोडेको छ ।
पुलिसले पश्चिमाञ्चल क्षेत्रीय खेलकुद विकास समिति पोखराको चुनौती २५–१८, २५–२१ र २५–८ ले पन्छायो । पश्चिमाञ्चलमाथिको जितसँगै पुलिसको ११ खेलबाट ३० अंक पुगेको छ । सर्वाधिक धेरै अंक हात पार्ने टोली लिगको च्याम्पियन बन्नेछ ।
प्रतियोगिताको विजेताले ३ लाख ५० हजार पाउनेछ दोस्रो हुने टोलीले दुई लाख प्राप्त गर्ने छ । त्यस्तै तेस्रो हुनेले १ लाख, चौथो हुने टोलीले ६० हजार, पाँचौ हुनेले ४० हजार, छैठौं हुनेले ३० हजार र सातौं हुने टोलीले २० हजार नगद पुरस्कार प्राप्त गर्नेछन् ।
व्यक्तिगत विधातर्फ उत्कृष्ट खेलाडी, उदयमान खेलाडी, बर्ष खेलाडी, प्लेयर अफ दि सिरिज र एक जना भाग्यमानि दर्शकले १–१ थान सुजुकी स्कुटर पाउनेछन् । त्यस्तै उत्कृष्ट स्पाइकर, उत्कृष्ट डिफेन्डर, उत्कृष्ट ब्लकर, उत्कृष्ट सर्भर, उत्कृष्ट सेटर र उत्कृष्ट प्रशिक्षकले समान ६–६ हजार नगत प्राप्त गर्नेछन् ।
प्रतियोगिता ५ माघबाट २० माघसम्म चल्नेछ । लिग अन्तरगत शुक्रबार चार खेल हुनेछ । पहिलो खेलमा सेव र दाङ, दोस्रो खेलमा पुलिस र आर्मी, तेस्रो खेलमा एपीएफ र पश्चिमाञ्चल तथा चौथो खेलमा आर्मी र दाङबीच प्रतिस्पर्धा हुनेछ ।
अंक तालिका
१. एपीएफ (३३) ११ खेल, २. पुलिस (३०) ११ खेल, ३. आर्मी (२४) १० खेल, ४. पश्चिमाञ्चल (१९) ११ खेल, ५. चितवन टाइगर्स (१३) १४ खेल, ६. सेव (११) १२ खेल, ७..श्रीगाँउ (११) ११ खेल
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]