5 years ago
February 3, 2019
काठमाडौं (हाम्रो खेलकुद) – विभागीय नेपाल एपीएफ क्लबले यो सिजनको आठौं उपाधिको रुपमा १४औं रेडबुल ढोरपाटन सुजुकी महिला डबल लिग भलिबल प्रतियोगिताको उपाधि जितेको छ । एक खेल अगावै च्याम्पियन बनेको एपीएफले आइतबार लिगको अन्तिम खेलमा दोस्रो स्थानमा रहेको नेपाल पुलिस क्लबमाथि ३–१ को जित निकाल्दै लिगमा अपराजित रहँदै च्याम्पियन बन्न सफल भयो । एपीएफको […]
काठमाडौं (हाम्रो खेलकुद) – विभागीय नेपाल एपीएफ क्लबले यो सिजनको आठौं उपाधिको रुपमा १४औं रेडबुल ढोरपाटन सुजुकी महिला डबल लिग भलिबल प्रतियोगिताको उपाधि जितेको छ ।
एक खेल अगावै च्याम्पियन बनेको एपीएफले आइतबार लिगको अन्तिम खेलमा दोस्रो स्थानमा रहेको नेपाल पुलिस क्लबमाथि ३–१ को जित निकाल्दै लिगमा अपराजित रहँदै च्याम्पियन बन्न सफल भयो । एपीएफको यो सिजनको आठौं उपाधि हो । आदी अवादी लिगको फाइनलमा चुकेको एपीएफले यो सिजन शेरबहादुर खड्का स्मृति भलिबल, सभामुख कप, एनभीए क्लब लिग, तिज कप, एनभीए महिला भलिबल, न्यु डायमन्ड कप र सभामुख कपको उपाधि हात पारेको थियो ।
यस्तै एपीएफ ढोरपाटन भलिबल लिगको सर्वाधिक उपाधि जित्ने टोली बनेको छ । गतवर्ष उपाधि जित्दै पोखराको ज्ञानुबाबा स्कुलले राखेको कीर्तिमानलाई बराबरी गरेको एपीएफ ढोरपाटनमा छैटौ पटक च्याम्पियन बन्न सफल भएको हो । ढोरपाटन भलिबलमा अहिलेसम्म एपीएफ ६ पटक, ज्ञानुबाबा ५ पटक, नेपाल पुलिस क्लब र रिड मोडल स्कुलले समान १–१ पटक उपाधि जितेका थिए । पहिलो संस्करण पुरुषतर्फ भएको थियो । जसमा आर्मी च्याम्पियन बनेको थियो ।
नयाँ बसपार्क्स्थित ढोरपाटन क्लबको खेल मैदानमा आइतबार भएको खेलमा एपीएफले पहिलो सेट २५–१८ ले जितेको थियो । दोस्रो सेट २५–२० ले सहजै जितेको एपीएफले तेस्रो सेट १९–२५ ले गुमायो । तर, चौथो सेट २५–१५ ले सहजै जित्न सफल भयो । लिगमा अपराजित एक्लो टोली बनेको एपीएफले १४ खेलबाट ४२ अंक जोड्यो । दोस्रो स्थान हात पारेको पुलिसले १४ खेलबाटै ३४ अंक जोड्यो ।
आइतबारै भएको अर्काे खेलमा विभागीय त्रिभुवन आर्मी क्लबले पश्चिमाञ्चल क्षेत्रीय खेलकुद बिकास समिति पोखरालाई ३–१ को सेटमा पराजित ग¥यो । प्रतिस्पर्धात्मक बनेको पहिलो सेट आर्मीले २६–२४ ले आफ्नो पारेको थियो । दोस्रो सेट पश्चिमाञ्चलले २५–२० ले जितेपछि खेल १–१ को बराबरीमा पुगेको थियो । तर, त्यसपछिको दुवै सेट आर्मीले २५–१२ र २५–१४ ले सहजै जित्यो । आर्मीले १४ खेलबाट ३२ अंक जोड्यो । पश्चिमाञ्चलले २२ अंक जोड्यो । सेव पाचौ, चितवन छैटौ र दाङले सातौ स्थान हात पा¥यो ।
च्याम्पियन बनेसँगै एपीएफले रनिङ शिल्डसहित ३ लाख ५० हजार रूपैया हात पा¥यो । दोस्रो भएको नेपाल पुलिस क्लबले २ लाख रूपैया प्राप्त ग¥यो । तेस्रो भएको आर्मीले १ लाख रूपैया तथा चौथो भएको पश्चिमाञ्चलले ६० हजार रूपैया हात पा¥यो । पाँचौ भएको सेवले ४० हजार, छैठौं भएको चितवनले ३० हजार तथा सातौ भएको दाङले २० हजार रूपैया प्राप्त ग¥यो ।
विजयी टिम तथा खेलाडीलाई ढोरपाटन नगरपालिकाका मेयर देवकुमार नेपाली, सुजुकीका मार्के्टिङ म्यानेजर नवराज कोइराला, नेपाल भलिबल संघका महासचिव जितेन्द्र बहादुर चनद र ढोरपाटन क्लबका अध्यक्ष मनवीर छन्त्याल लगायतले पुरस्कृत गरे ।
गत माघ ५ गतेबाट भएको डबल लिगमा ९ टोली सहभागिता जनाएको थियो । दोस्रो राउन्डमा सात टोली प्रवेश गरेका थिए ।
सुजुकी स्कुटर जित्नेहरु
सर्वाेत्कृष्ट खेलाडीः सरस्वती चौधरी (एपीएफ)
उदियमान खेलाडीः शान्ति थारु (आर्मी)
वर्ष खेलाडीः अरुणा शाही (पश्चिमाञ्चल)
प्लेय अफ दि सिरिजः कोपिला राना (पुलिस)
भाग्यशाली दर्शकः भीम प्रसाद देवकोटा (गोरखा)
व्यक्तिगत विधातर्फका उत्कृष्टहरु
स्पाइकरः उषा भन्डारी (पुलिस)
सेटरः कमला पुन (पुलिस)
ब्लकरः सोफिया पुन (आर्मी)
क्विकरः सुनिता खड्का (आर्मी)
डिफेन्डरः शान्ति तामाङ (पुलिस)
सर्भरः नेविका चौधरी (एपीएफ)
प्रशिक्षकः ज्ञानेन्द्र विष्ट (एपीएफ)
उनीहरु सबैले समान ६–६ हजार रूपैया हात पारे ।
April 26, 2024
एजेन्सी – जोनी बेयरस्टोले सानदार नटआउट शतक बनाएपछि पन्जाब किङ्सले इन्डियन प्रिमियर लिग (आइपिएल) मा शुक्रबार कोलकाता नाइट राइडर्सलाई ८ विकेटले हराएको छ । २ सय ६२ रनको लक्ष्य पछ्याएको पन्जाबका लागि बेयरस्टोको शतकसँगै प्रभसिमरन सिंह र शंशाक सिंहले अर्धशक बनाएपछि ८ बलअघि २ विकेटको नोक्सानीमा पूरा गरेको थियो । ४८ बलमा बेयरस्टोले ९ छक्का […]
April 26, 2024
सुबास हुमागाईं, काठमाडौं नेपाली राष्ट्रिय क्रिकेट टोलीले अबको ५ सातामा आइसीसी मेन्स टि२० विश्वकप अन्तर्गत पहिलो खेल खेल्नेछ । तर विश्वकप खेल्ने मिति नजिकिंदै जाँदा नेपाली टोलीमा खेलाडी संख्या घट्दै जानुपर्नेमा तयारीको अन्तिम सिरिजको पूर्व सन्ध्यामा आएर अप्रत्याशित रुपमा बढेको छ । विश्वकपको तयारीका लागि भारतको गुजरातमा मैत्रीपूर्ण सिरिज खेल्न नेपालले १५ सदस्यीय टोली घोषणा […]
April 26, 2024
काठमाडौं (हाम्रो खेलकुद)- युवा तथा खेलकूद मन्त्री बिराजभक्त श्रेष्ठले नेपाल भ्रमणमा रहेको वेस्ट इन्डिज ‘ए’ टिमसँग भेट गरेका छन्। नेपाली क्रिकेट टोलीसँग शनिबार सुरु हुने ५ टि ट्वान्टी सिरिजका लागि मन्त्री श्रेष्ठले वेस्ट इन्डिज ‘ए’ टोलीलाई सफलता शुभकामना दिएका हुन् । आज साँझ मन्त्री श्रेष्ठले वेस्ट इन्डिजको ‘ए’ टिमका खेलाडी तथा प्रशिक्षकसँग भेटेर नेपाल सरकारको […]