नेपालगन्ज (हाम्रो खेलकुद) – आठौं राष्ट्रिय खेलकुद अन्तर्गत भलिबलमा विभागीय टोली एपीएफको महिला तथा पुरुष टोलीले शुक्रबारको खेलमा जित दर्ता गरेका छन् ।
पुरुषतर्फको अर्काे खेलमा विभागीय नेपाल एपीएफ क्लबले प्रदेश ५ माथि २५–८, २५–२१ र २५–२१ को सहज जित निकाल्यो । बाँकेको खजुरामा भएको समूह चरणको अर्को खेलमा आर्मीले गण्डकी प्रदेशमाथि ३–१ को जित निकालेको हो । पहिलो सेट आर्मीले २२–२५ ले गुमाएपनि त्यसपछिको तीनै सेट आर्मीले सहजै जित्न सफल भयो । आर्मीले बाँकी तीन सेट २५–१८, २५–२१ र २५–१४ ले आफ्नो पक्षमा बनायो ।
महिलातर्फ उपाधिको दावेदार एपीएफ र प्रदेश ३ ले विजयी शुरुवात गरे । एपीएफले प्रदेश १ माथि २५–४, २५–९ र २५–१० को सहज जित निकाल्दा प्रदेश ३ ले प्रदेश २ माथि २५–९, २५–७ र २५–१३ को जित निकाल्यो ।
