खजुरा (हाम्रो खेलकुद) – आठौं राष्ट्रिय खेलकुदअन्तर्गत शनिबार भएको समूह चरणका खेलमा विभागीय टोली नेपाल पुलिस क्लबले नेपाल एपीएफ क्लबलाई ३-२ ले पराजित गरेको छ ।
पहिलो सेटमा २५-२१ ले पराजित भएको पुलिसले दोस्रो सेटमा ३१-२९ र तेस्रोमा २५-१८ को जित दर्ता गर्यो । चौथो सेटमा भने एपीएफले २५-२२ को जित दर्ता गर्दै खेलमा पुनरागमन गर्यो । पाँचौ सेटमा पुलिस १५-१३ ले विजयी हुँदै अपराजित यात्रा कायम राख्यो । पुरुषतर्फ अन्य खेलमा प्रदेश १ ले प्रदेश ७ लाई २५-१४, १७-२५, २५-१८, २५-१२ ले पराजित गर्यो । प्रदेश ६ ले प्रदेश २ माथि २३-२५, ३३-३५, २५-१८, २५०१८, १५-१० ले हरायो ।
यसैगरी महिलातर्फ प्रदेश ३ ले विभागीय टोली त्रिभुवन आर्मी क्लबलाई ३-० ले हरायो । प्रदेश ३ २५-२०, २५-२१, २५-१० ले विजयी भयो । एपीएफले प्रदेश ५ लाई सोझो सेटमा हराउँदा प्रदेश ६ ले प्रदेश २ लाई २३-२५, २५-१८, २५-२३, २५-९ ले हरायो । प्रदेश १ ले प्रदेश ७ लाई पाँचौ सेटसम्म लम्बिएको खेलमा २५-२१, २१-२५, २५-१३, १८-२५, १५-१२ ले पाखा लगायो ।
