नेपाल भलिबल संघको सातौं साधारण सभा तथा केन्द्रिय निर्वाचनको अवसरमा उत्कृष्ट जिल्ला संघ र भलिबलको विकासमा योगदान पु¥याउनेलाई सम्मान गरिएको छ ।
राष्ट्रिय खेलकुद परिषद(राखेप)सदस्य सचिव केशब कुमार विष्ट र नेपाल भलिबल संघका अध्यक्ष दानबहादुर तामाङ लगायतले राष्ट्रिय टोलीका पुर्व खेलाडी दुर्ज कुमार राई, प्रशिक्षक एवम पुर्व राष्ट्रिय टोलीका सदस्य कपिल किशोर श्रेष्ठ र खेल पत्रकार कमल खत्रीलाई सम्मान गरे । शुक्रबार सुरु भएको साधारण सभाले नयाँ नेतृत्व चयन गदैछ । साधारण सभामा नियमित रुपमा राष्ट्रिय स्तरको भलिबल प्रतियोगिता गर्ने ११ संघ र संस्थालाई सम्मान गरिएको थियो ।
कार्यक्रममा सदस्य सचिव विष्टले भलिबललाई नेपालको राष्ट्रिय खेलको रुपमा सिफारिस गरिएको बताए । उनले नेपालमा भलिबलले लोकप्रियता हासिल गर्नमा वर्तमान नेतत्वले महत्वपुर्ण भुमिका निर्वाह गरेको बताए ।
भलिबल संघका अध्यक्ष दान बहादुर तामाङले साधारण सभाले निस्वार्थ रुपमा भलिबलको विकास गर्ने नेतृत्व चयन गर्न सफल हुने बताए । उनले भने, ‘भबिललमा के कति काम भए । त्यो तपाईहरुले देख्नु भएको छ । अब भलिबललाई ब्यासायिक रुपमा अगाडी बढाउन जरुरीछ । त्यसको लागी सबैले ब्यक्तिगत स्वार्थ त्यागेर काम गर्नु पर्छ ।’ नेपाल खेलकुद पत्रकार मञ्चका अध्यक्ष महेश आचार्यले पदाधिकारी चयनमा जस्तो नतिजा आएपछि भलिबलले जित्ने वातावरण बनाउनु सबै भलिबल कर्मीको दायित्व भएको बताए ।
