आकांक्षी मध्ये उपाध्यक्षबाट ४ र सदस्यबाट ९ जनाले उम्मेदवारी फिर्ता लिएपछि नेपाल भलिबल संघमा सबै निर्वारोध निर्वाचित भएका छन् ।
सातौं साधारण सभाको पहिलो दिन अध्यक्ष मनोरञ्जन रमण शर्मासहित महासचिव, ७ सचिव र कोषध्यक्ष निर्विरोध चुनिएका थिए । शनिबार उम्मेदवारी फिर्ता भएपनि पाँच उपाध्यक्षमा याम बहादुर गुरुङ,उपेन्द्र कुमार यादव,निरोज मास्के,ऐन बहादुर शाही र हरक सिंह धामी निर्वीरोध चुनिए । महासचिवको जिम्मेवारी पूनः जितेन्द्र बहादुर चन्दले पाएका छन् । सचिवमा नेपाली राष्ट्रिय भलिबल टोलीका सहायक प्रशिक्षक समेत रहेका जगदिश भटृ,श्याम कृष्ण श्रेष्ठ,मनविर छन्त्याल,रामनाथ भण्डारी,भीम ओली,डम्बर बहादुर नेपाली र मदन खड्का छानिए । कोषाध्यक्षमा सुन केशरी मालीको मात्र उम्मेदवारी परेको थियो । भलिबलमा अब महिला दुई पदाधिकारी बनेका छन् । यसअघि मास्केमात्र पदाधिकारीमा थिइन् । सघंको सदस्यमा गौतम प्रसाद लासिभा,गणेश ठगुन्ना,ज्योती के.सी,राज कुमार गुरुङ,श्रीधर शर्मा,सोम बहादुर श्रेष्ठ,जुनू पुन मगर,दिपक जिएम,किशोर कुमार आचार्य र मोहम्मद फिरोज चयन भए ।
संघले अब २ उपाध्यक्ष, ९ सदस्य मनोनित गर्नेछ । ३९ सदस्य समितिमा राखेपकातर्फबाट दुई सदस्य मनोनित हुने छन् भने निर्वतमान अध्यक्ष स्वतः सदस्य हुनेछन् ।
