काठमाडौं (हाम्रो खेलकुद) – च्याम्पियन त्रिभुवन आर्मी क्लबका भैरव बम चौथो संस्करणको प्रधानसेनापति कप राष्ट्रिय पुरुष भलिबल प्रतियोगिताको सर्वोत्कृष्ट खेलाडी बनेका छन् ।
आर्मीलाई लगातार चौथोपटक च्याम्पियन बनाउन भैरवले उच्च प्रदर्शन गरेका थिए । फाइनलमा आर्मीले गण्डकीलाई ३-१ ले पराजित गर्दा भैरवले महत्त्वपूर्ण भूमिका निर्वाह गरे । प्रतियोगिताको सर्वाेत्कृष्ट खेलाडी बनेसँगै भैरवले एक थान पल्सर मोटरसाइकल हात पारे । उनलाई प्रतियोगिताको मुख्य प्रायोजक हंसराज हुलासचन्द बजाजकी सहायक निर्देशक पुनम सिंहले मोटरसाइकलको चावी हस्तान्तरण गरिन् ।
व्यक्तिगत विधातर्फपनि आर्मीले वर्चस्व जमायो । आर्मीका इश्वर थापा उत्कृष्ट ब्लकर, दुर्गा प्रसाद महतो उत्कृष्ट सेटर र हरि अधिकारी उत्कृष्ट ब्लकर चुनिए । आर्मीका कपिल किशोर श्रेष्ठ उत्कृष्ट प्रशिक्षक चुनिए । गण्डकीका याम क्षेत्री उत्कृष्ट स्पाइकर र पुलिसका कुल बहादुर थापा उत्कृष्ट सर्भर चुनिए । उनीहरुले समान १० हजार रुपैयाँ पाए ।
