default_image

4 years ago

January 21, 2020

सागका स्वर्णधारी निरजलाई इस्टर्न ओपनमा अग्रता

धरान (हाम्रो खेलकुद) – सूर्य नेपाल इस्टर्न ओपन अन्तर्गत पहिलो दिनको खेल सकिँदा १३ औं दक्षिण एसियाली खेलकुद (साग) मा स्वर्ण पदक जितेका एमेच्योर गल्फर निरज तामाङले अग्रता लिएका छन् । निरजले घोपाक्याम्पस्थित निर्भाना कन्ट्री क्लबको गल्फ कोर्षमा पहिलो दिन ६ अन्डर ६४ को स्कोर जोडेका हुन् । उनले दोस्रो स्थानमा रहेका स्थानीय गल्फर शुक्रबहादुर […]

44 views

0 Bookmark

धरान (हाम्रो खेलकुद) – सूर्य नेपाल इस्टर्न ओपन अन्तर्गत पहिलो दिनको खेल सकिँदा १३ औं दक्षिण एसियाली खेलकुद (साग) मा स्वर्ण पदक जितेका एमेच्योर गल्फर निरज तामाङले अग्रता लिएका छन् ।

निरजले घोपाक्याम्पस्थित निर्भाना कन्ट्री क्लबको गल्फ कोर्षमा पहिलो दिन ६ अन्डर ६४ को स्कोर जोडेका हुन् । उनले दोस्रो स्थानमा रहेका स्थानीय गल्फर शुक्रबहादुर राईलाई ३ स्ट्रोकले पछि पारेका छन् । तेस्रो स्थानमा धरानका बलभद्र राईले १ अन्डर ६९ स्कोर बनाएका छन् । शुक्र र निरज दुवैले नेपालका लागि १३ औं सागको पुरुष टिम इभेन्टमा स्वर्ण पदक जितेका थिए ।

निरजले फ्रन्ट नाइनमा ५ अन्डर ३१ को उत्कृष्ट प्रदर्शन गर्दा ब्याक नाइनमा भने १ अन्डर ३३ स्कोरमात्र जोडे । उनले दोस्रो, तेस्रो, पाँचौ, छैटौं र सातौं होलमा बर्डी प्रहार गरेका थिए । ब्याक नाइनको १२ औं, १४ औं र १६ औं होलमा बर्डी लेखाएका उनले १५ औं र १८ औं होलमा भने बोगी खेपे ।

साविक विजेता शुक्रले फ्रन्ट नाइनमा १ अन्डर ३५ र ब्याक नाइनमा २ अन्डर ३२ स्कोर ल्याए । बलभद्रले फ्रन्ट नाइनमा १ अन्डर ३५ तथा ब्याक नाइनमा इभन पार ३४ स्कोर जोडे । पूर्व नम्बर १ शिवराम श्रेष्ठ १ ओभर ७१ स्कोरसहित चौथो स्थानमा रहँदा शीर्ष वरियताका भुवन नगरकोटी भने ५ ओभर ७५ स्कोर जोड्दै ३१ औं स्थानमा छन् । उनले फ्रन्ट नाइन १ अन्डर खेलेपनि ब्याक नाइनमा बिर्सनलायक प्रदर्शन गरे ।

दिनेश प्रजापति र रमेश अधिकारी (समान १ ओभर ७१) संयुक्त चौथो तथा शिवकुमार माझि, संजय लामा र दीपक मगर (समान २ ओभर ७२) स्कोरसाथ संयुक्त सातौँ स्थानमा रहेका छन् । एमेच्योरतर्फ सुन्दर राई ३ ओभर ७३ अंक साथ निरजपछि दोस्रो स्थानमा छन् । सोहि स्कोरमा विनोद तामाङ, विपिन तामाङ, कृष्णमान राजवाहक, सुनिल केसी र धनबहादुर थापा संयुक्त दशौं स्थानमा छन् ।

सूर्य नेपाल गल्फ टुर २०१९-२० अन्तर्गत दोस्रो प्रतियोगिता तीन दिन चल्नेछ र ५४ होलको हुनेछ । स्थानीय ७ सहित कुल ३४ व्यावसायिक गल्फरहरुले प्रतिस्पर्धा गरेको प्रतियोगिताको कुल पुरस्कार राशी ७ लाख रुपैयाँ रहेको छ । सूर्य नेपाल प्रालिको प्रायोजन तथा नेपाल व्यावसायिक गल्फर संघको आयोजनामा हुने प्रतियोगिताको विजेताले १ लाख २५ हजार प्राप्त गर्नेछन् । उपविजेताले ७५ हजार तथा तेस्रो स्थान हासिल गर्नेले ५५ हजार रुपैयाँ पाउने छन् ।

शीर्ष २४ व्यावसायिक गल्फरले नगद पुरस्कार प्राप्त गर्नेछन् । शुक्रबार हुने प्रो-एम इभेन्टमा व्यावसायिक खेलाडीले एमेच्योर खेलाडीसँग टोली गठन गरेर प्रतिस्पर्धा गर्नेछन् । सुरुवाती दुई दिनको स्कोरपछि शीर्ष २४ व्यावसायिक खेलाडीले अन्तिम दिन प्रतिस्पर्धा गर्नेछन् । यसबाहेक शीर्ष ६ एमेच्योर र व्यावसायिक खेलाडीको कट स्कोर पार गर्नेले अन्तिम दिन खेल्नेछन् ।

पहिलो दिनको तस्बिरहरु :

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

March 28, 2024

रनको वर्षा भएको खेलमा हैदराबादद्वारा मुम्बई पराजित

एजेन्सी – कीर्तिमानी योगफल सहित रनको वर्षा भएको खेलमा सनराईजर्स हैदराबादले मुम्बई इन्डियन्स विरुद्ध जित दर्ता गरेको छ । हैदराबादले मुम्बई माथि ३१ रनको जित निकालेको हो । घरेलु मैदानमा भएको खेलमा हैदराबाद इंडियन प्रिमियर लिग (आईपिएल) इतिहासको सबैभन्दा ठूलो योगफल खडा गरेको थियो । टस हारेर ब्याटिङको निम्तो पाएको हैदराबादले निर्धारित २० ओभरमा ३ […]

Success

Thank you for your time.