default_image

4 years ago

January 22, 2020

बलभद्रलाई इस्टर्न ओपनमा अग्रता

धरान (हाम्रो खेलकुद) – स्थानीय गल्फर बलभद्र राईले सूर्य नेपाल इस्टर्न ओपनको दोस्रो दिनको खेल सकिँदा अग्रता लिएका छन् । उनले अघिल्लो दिन अग्रतामा रहेका स्थानीय एमेच्योर निरज तामाङलाई एक स्ट्रोकले पछि पारेका हुन् । अघिल्लो दिन १ अन्डर ६९ स्कोर जोडेका बलभद्रले बुधबार ५ अन्डर ६५ स्कोर जोड्दै समग्रमा ६ अन्डर १ सय ३४ […]

44 views

0 Bookmark

धरान (हाम्रो खेलकुद) – स्थानीय गल्फर बलभद्र राईले सूर्य नेपाल इस्टर्न ओपनको दोस्रो दिनको खेल सकिँदा अग्रता लिएका छन् । उनले अघिल्लो दिन अग्रतामा रहेका स्थानीय एमेच्योर निरज तामाङलाई एक स्ट्रोकले पछि पारेका हुन् ।

अघिल्लो दिन १ अन्डर ६९ स्कोर जोडेका बलभद्रले बुधबार ५ अन्डर ६५ स्कोर जोड्दै समग्रमा ६ अन्डर १ सय ३४ स्कोर बनाएका छन् । उनले फ्रन्ट नाइनमा ३ अन्डर ३३ र ब्याक नाइनमा २ अन्डर ३२ स्कोर लेखाए । फ्रन्ट नांको दोस्रो, पाँचौ, छैटौं र नवौं होलमा बर्डी प्रहार गरेका बलभद्रले चौथो होलमा बोगी खेपे । ब्याक नाइनमा भने १७ औं र १८ औं होलमा बर्डी खेल्दै उनले शीर्षस्थानमा पुगे ।

अघिल्लो दिन अग्रतामा रहेका एमेच्योर निरजले दोस्रो दिन भने १ ओभर ७१ स्कोर जोडे । उनी समग्रमा ५ अन्डर १ सय ३५ स्कोरमा छन् । उनलाई धरानकै शुक्रबहादुर राईले ३ अन्डर १ सय ३७ स्कोरसाथ पछ्याएका छन् । शुक्रले दोस्रो दिन इभन पार ७० स्कोर जोडे । व्यावसायिकतर्फ तेस्रो स्थानमा रहेका शिवराम श्रेष्ठले पनि इभन पार खेल्दै समग्रमा १ ओभर १ सय ४१ स्कोर पुर्याए ।

संयुक्त चौथो स्थानमा रहेका दिनेश प्रजापति, शिवकुमार माझी र धनबहादुर थापाले कुल ४ ओभर १ सय ४४ स्कोर जोडेका छन् । भुवन नगरकोटी र संजय लामा ५ ओभर १ सय ४५ स्कोरसहित संयुक्त सातौं स्थानमा छन् । जयराम श्रेष्ठ र दीपक मगर ६ ओभर १ सय ४६ स्कोर जोड्दै संयुक्त नवौंमा छन् । एमेच्योरतर्फ निरजपछि दोस्रो स्थानमा रहेका सुन्दर राईले ७ ओभर १ सय ४७ स्कोर जोडेका छन् ।

कट स्कोर १३ ओभर १ सय ५३ रहेकोमा २५ व्यावसायिक र ६ एमेच्योर गल्फरले अन्तिम दिन प्रतिस्पर्धा गर्नेछन् । कट बनाउनेमा व्यावसायिकतर्फ विपिन तामाङ, विनोद तामाङ, कृष्णमान राजवाहक, पशुपति शर्मा, टंकबहादुर कार्की, सूर्यप्रसाद शर्मा, रवी खड्का, भुवनकुमार रोक्का, रामे मगर, दीपक आचार्य, देवराज पाख्रिन, थामबहादुर राई, संजिवबहादुर नेपाली, भिमसेन चौलागाईं र सुनील केसी रहेका छन् । एमेच्योरतर्फ निरज र सुन्दरसँगै शुक्रराज राई, युवराज भुजेल, जीवन राई र रितेश तामाङले प्रतिस्पर्धा गर्नेछन् ।

सूर्य नेपाल गल्फ टुर २०१९-२० अन्तर्गत दोस्रो प्रतियोगिताको कुल पुरस्कार राशी ७ लाख रुपैयाँ रहेको छ । सूर्य नेपाल प्रालिको प्रायोजन तथा नेपाल व्यावसायिक गल्फर संघको आयोजनामा हुने प्रतियोगिताको विजेताले १ लाख २५ हजार प्राप्त गर्नेछन् । उपविजेताले ७५ हजार तथा तेस्रो स्थान हासिल गर्नेले ५५ हजार रुपैयाँ पाउने छन् ।

शीर्ष २४ व्यावसायिक गल्फरले नगद पुरस्कार प्राप्त गर्नेछन् । शुक्रबार हुने प्रो-एम इभेन्टमा व्यावसायिक खेलाडीले एमेच्योर खेलाडीसँग टोली गठन गरेर प्रतिस्पर्धा गर्नेछन् ।

तस्बिरमा दोस्रो दिनको खेल :

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

Success

Thank you for your time.