रियो ओलम्पिक २०१६ अन्तर्गत आज नेपालको प्रतिनिधित्व गर्दै तीन खेलाडीले प्रतिस्पर्धा गर्दै छन् । नेपालको पौडीमा शिरिष गुरुङ, जुडोकी फुपु ल्हामु खत्री र आर्चरीका जित बहादुर मोक्तान खेल्नेछन्।
दोश्रो हिटमा प्रतिस्पर्धा गर्दै गरेका शिरिषले रातको ९:४७ बजे प्रतिस्पर्धा गर्दैछन्। जुडोकि फुपुले भने क्युबाली खेलाडीसंग प्रतिस्पर्धा गर्नेछिन्। जुडोमा बलियो मानिने क्युबाले उनिबाट स्वर्णपदक आशा गरेको छ। फुपुले साँझ ६:४५बजे प्रतिस्पर्धा गर्दैछिन्।
आर्चरीका जितबहादुरले आज भारतका अतनु दाससंग दोश्रो चरण खेल्दै छन्। पहिलो चरणमा ६०७अंक जोडेका मोक्तानले ६०औं स्थानमा रहेर अर्को चरण प्रवेश गरेका थिए। यो प्रतियोगितामा विश्व रेकर्ड तोड्दै प्रथम भएका दक्षिण कोरियाका किमले दोश्रो चरणमा हार व्यहोरिसकेका छन्। जीतले बेलुकी ५:४५मा प्रतिस्पर्धा गर्ने छन ।
