काठमाडौ। सरस्वती राना मगर र सोनम रोका चौथो राष्ट्रव्यापी तथा प्रथम नोभिस बक्सिङ्ग प्रतियोगिता फाइनलमा प्रवेश गरेका छन् । शुक्रबार भएको महिला ५७–६० केजीमा तौल समुहको सेमिफाइनलमा सरस्वतीले दिव्या लिम्बुलाई पहिलो राउण्डमै टेक्निकल नकआउट गरिन् । त्रिभुवन आर्मी बीकी सोनमले झापाकी सोम माया लिम्बुलाई पराजित गरे ।
महिला ४६–४८ केजीतर्फको सेमिफाइनल खेलमा आर्मी एकी ललिता महर्जनले आर्मीबीकी गिता कुमारी थापा लाई अंकको आधारमा पराजित गर्दै फाईनलमा प्रवेश गरिन् । सोही तौलमै आर्मी बीकी उर्मिला लामाले उदयपुरकी दिबाका भुजेललाई पराजित गर्दै फाईनलमा स्थान सुरक्षित गरिन् । महिलाकै ४८–५१ केजी तौल समुहमा एपिएफ एकी माला राईले आफ्नै विभागकी सिता पाठक तथा आर्मी एकी मीनु गुरुङ्गले भक्तपुरकी निता गोसाईलाई टेक्निकल नकआउट गरीन् । ५१–५४ केजी तौलसमुहमा एपीएफकी सन्जु लामाले झापाकी दिव्या गुरुङ्गलाई टेक्निकल नकआउट गर्दै फाईनलमा प्रवेश गरिन् । सोही तौलमै आर्मी एकी विमला श्रेष्ठले नेपाल प्रहरीका निशा तामाङ्गलाई अंकको आधारमा पराजित गरीन् । महिलाको ५४–५७ केजी तौल समुहमा आर्मी एकि निरु गुरुङ्ग र एपीएफ ए की माया चौधरीले सेमीफाईनलसम्मको यात्रा तय गरे । महिला तर्फकै ६०–६४ केजी समुहमा क्रमश: त्रिभुवन आर्मी एकि बिनिता थापा मगर र पुनम रावलले विजय हासिल गरी फाईनलमा प्रवेश गरे ।
त्यस्तै पुरुष सिनियरतर्फ आर्मी एका तेज बहादुर देउवाले एपीएफएका आशिस तामाङ्गलाई र आर्मीकै प्रेम चौधरीले एपीएफबीका विक्रम परियारलाई पराजित गर्दै फाईनलमा प्रवेश गरे । जूनियर पुरुषको क्वार्टरफाईनलको ४६–४९ केजी तौलमा कन्चनपुरका भानु विष्टले पाटनका सरोज श्रेष्ठलाई हराए । सोही तौल समुहमा नक्साल एका देव तामाङ्गले बाकेका सागर थापालाई अंकको आधार, दमकका धर्मेन्द्र पखिमले चितवनका दिक्षान्त श्रेष्ठ र अल्फाका चन्द्र बहादुर थापाले सेन्ट्रल बक्सिङ्गका बिकेस बस्नेतलाई पराजित गरी क्वाटरफाईनलमा प्रवेश गरेका छन् । पुरुषको ५२ केजी तौल समुहमा मेघदुतका प्रदिप घिमिरेले बोसीगाउाका समीर महर्जनलाई पराजित गरे । डडेल्धुराका पुष्कर नाथलाई रोल्पाका राम प्रसाद पुनले पराजित गरे । नक्सालका मिङ्मा ग्याल्जेनले उदयपुरका विजय राईलाई हराए ।
