काठमाडौँ (हाम्रो खेलकुद) – त्रिभुवन आर्मी क्लब चौथो राष्ट्रव्यापी तथा प्रथम नोभिस बक्सिङ प्रतियोगिता टिम च्याम्पियन बनेको छ । आर्मिको पुरुष र महिला दुवै टिम विजेता  बनेका हुन् । पुरुष ए टिमले ६ स्वर्ण र २ कास्य पदक तथा महिला ए टिमले पनि ४ स्वर्ण र एक रजत पदक जितेको थियो । समग्रमा आर्मीले १० स्वर्ण र ३ रजत पदक जितेको छ ।

सातदोबाटो स्थित अन्तराष्ट्रिय खेलकुद परिषरमा आइतबार सम्पन्न प्रतियोगिताको नोभिसतर्फ काठमाण्डौ युथ बक्सिङ क्लब र नक्साल बक्सिङ संयुक्त रुपमा टिम च्याम्पियन बने । काठमाण्डौ युथ र नक्सालले समान १ स्वर्ण १ रजत र २ कास्य जित्यो ।
पुरुष सिनियरतर्फ ४९ केजीको फाइनलमा नक्साल एका सुशिल थापाले आश तामाङ लाई हराए । ५२ केजीमा आर्मीका प्रेम चौधरीले स्वर्ण पदक जिते । फाइनलमा उनले लक्ष्मण तामाङलाई हराए ।
आर्मी बी का विमर रोकाले ५६ केजीमा स्वर्ण पदक जित्नका लागि एपीएफका पुरन राई राजित गरे । ६० केजी तौलमा नेपाल प्रहरीका भुपेन्द्र थापा विजयी भए । उनले आमीृका सुरेश नेपालीलाई हराए । ६४ केजीमा आर्मीका दिपक श्रेष्ठले स्वर्ण र झापाका प्रकाश लिम्बु रजत पदक जिते ।
६९ केजीमा आर्मीका विस्नु घले प्रथम, आर्मी बी कै सन्दीप व्यान्जु दोस्रा भए । ७५ केजीको फाइनलमा आर्मीका दिपेश लामाले आर्मी बीकै केशब वमलाई हराए ।
जावलाखेलका म्याक्स बस्नेतले ८१ केजी तौल समुहको च्याम्प्यिन बने । उनले आर्मीका गोकुल गुरुङ्गलाई हराए ।
जुनियरतर्फ ४९ केजीमा नक्सालका डेविड तामाङले स्वर्ण र अल्फाका चन्द्र बहादुर थापाले रजत पदक जिते । ५२ केजी तौलतर्फ मेघदुतका प्रदिप घिमिरे विजयी भए । उनले फाइनलमा नक्साल ए का मिङ्मा ग्याल्जेन शेर्पालाई पराजित गरे । ५६ केजी तौल समुहमा सुनसरीका राकेश राई पहिलो र कास्की बी का दिनेश बानिया दोस्रा भए ।
६० केजीको फाइनलमा बानुजका कर्मा तेन्जिङ गुरुङले सौरभ विमलीलाई हराए । जावलाखेका सरोज सेवाले ६४ केजी तौलमा स्वर्ण पदक जित्दा काठमाण्डौ युथ का प्रशान्त दाहालले रजत पदक प्राप्त गरे ।
महिला ४८ केजीमा आर्मीका ललिता महर्जनले स्वर्ण पदक र एपीएफकी उर्मिला लामाले रवत पदक जितिन् । ५१ केजीमा आर्मीकी मीनु गुरुङले स्वर्ण पदक जितिन् । त्यसमा माला राईले रजत पदक जितिन् । ५४ केजीको फाइनलमा विमला श्रेष्ठले सन्जु लामालाई हराइन् । ५७ केजीमा निरु गुरुङ पहिला र माया चौधरी दोस्रा भइन् । सरस्वती रानामगरले ६० केजी तौल समुहको स्वर्ण पदक जित्नका लागिसोनम रोकालाई हराइन् ।
समापन अवसरमा स्वर्गीय लक्ष्मण शम्शेर थापाकी पत्नी नैना राजेश्वरी थापा ,स्वर्गीय पुष्कर ध्वज शाही की पत्नी हनी शाही र बक्सिङका पूर्व ओलम्पियनहरुलाई सम्मान गरिएको थियो । विजेता खेलाडीलाई राष्ट्रिय खेलकुद परिषद(राखेप) सदस्य सचिव केशव कुमार विष्ट,एकिकृत नेकपा माओवादी केन्द्रका खेलकुद इन्चार्ज लिला बहादुर थापा र नेपाल बक्सिङ अध्यक्ष राम अवाले लगायतले पुरस्कृत गरे ।