लामाचौर – साविक विजेता न्यु डायमन्ड एकेडेमी र एपिएफ क्लब लामाचौरमा भैरहेको राष्ट्रिय महिला भलिबल प्रतियोगिताको फाइनलमा प्रतिस्पर्धा गर्ने भएको छन ।
शनिबार डायमन्डले पश्चिमाञ्चलाई २५–१५, २५–१५, २५–१६ ले हराउँदै फाइनलमा प्रवेश गरेको हो । डायमन्डलाई फाइनलमा पु¥याउदा प्रतिभा माली, कृपा अधिकारी, कप्तान ललिता नाथ, पनमिका राईले उत्कृष्ट प्रदर्शन गरे । सेमिफाइनलमा राष्ट्रिय टोलीकी समेत स्पाइकर रहेकी प्रतिभाले २४ स्कोर लिदै टोलीलाई सहज जित निकालिन । नवआदर्श सामुदायिक विकास समाजले आयोजना गरेको भलिबल प्रतियोगितामा विभागीय टोली एपिएफ, आर्मी, डायमन्ड, घरेलु टोली टम्स र मध्यपश्चिमको श्रीगाउँ टोलीले प्रतिस्पर्धा गरिरहेको छन ।
कप्तान ललिताले फाइनललाई लक्षित गरेर सहज रुपमा खेलेको बताइन । उनले भनिन, हामी उपाधि जित्ने लक्ष्य सहित आएको छ । सेमिफाइनल खेल जित्न कठिन थिएन । टोलीको समन्वय मिलाउँदै खेल्यौं ।
यसैगरी प्रशिक्षक राईले पनि फाइनलमा एपिएफलाई हराउँदै उपाधि जित्ने बताए । पश्चिमाञ्चलको तर्फबाट सर्वाधिक स्कोर गर्ने खेलाडी बनिन कप्तान मञ्जु गुरुड र अरुणा शाही । दुबैले समान ७ स्कोर गरेको थिए ।
यसैगरी अर्को खेलमा विभागीय टोली एपिएफले त्रिभुवन आर्मी क्लबलाई हराउँर्दै फाइनलमा डायमन्ड सँगको भेट पक्का गरेको छ । एपिएफले आर्मीलाई २५–११, २५–१७ र २५–१५ ले हराउँदै फाइनलमा पुग्यो । एपिएफकी नेविका चौधरीले सर्वाधिक १३ स्कोर गरिन ।
यसैगरी आइतबार एपिएफ र डायमन्ड फाइनलमा भिडदा तेस्रो स्थानका लागी आर्मी र पश्चिमाञ्चलको टप्स स्कुलले प्रतिस्पर्धा गर्नेछन ।
