काठमाडौँ (हाम्रो खेलकुद) – जिपि ट्रेडिङ कन्सर्नको कनसर्नको प्रायोजनमा भएको प्रथम ओप्पल ओपन गल्फ टुर्नामन्टको उपाधि वाङ्चेन ढोन्डुपले जितेका छन् ।
गोकर्ण गल्फ क्लबो पार–७२ मा शनिबार भएको प्रतिस्पर्धात्मा दुई ह्यान्डिक्यापका वाङ्चेनले स्टेबलफोर्ड ४१ स्कोर गर्दै उपाधि जितेका हुन् । उनले उपाधिसँगै ५० हजार रुपैयाँ प्राप्त गरे । पाँच बर्डिज प्रहार गरेका उनले मस्ट बर्डिजको उपाधि पनि जिते । ३९ स्कोर गरेका कोरियन गल्फर दोस्रो भए । नोर्बु शेर्पाले बेस्ट ग्रसको उपाधि जिते । उनले ३४ ग्रस स्कोर गरेका थिए । सिनियर ६० वर्ष र त्यो भन्दा माथिको उपाधि महेश कुमार कार्कीले जिते । उनले ३६ स्कोरको प्रदर्शन गरेका थिए । ३३ स्कोर गरेका दमन बहादुर घलले सिनियरमा दोस्रो भए । ३५ स्कोर गरेकी रेखा घिमीरे महिलातर्फ विजेता रहिन् ।
३८ स्टेबल फोर्डस स्काुर गरेकी देवश्री जूनियर १७ वर्ष र सो भन्दा कम उमेर समूहमा विजयी भइन् । सोनम नोर्बु लामाले क्लोजेस्ट टु द पिन र फुङसोक लामाले लंगेस्ट ड्राइभको उपाधि जिते । जिपि ट्रेडिङ कनसर्नको त्रिवेणी ग्रुपले एक दिने प्रतियोगितामा ८० गल्फरको सहभागिता थियो । प्रतियोगिता ३÷४ ह्यान्डिक्याप फरम्याटमा भएको थियो ।
त्रिवेणी गु्रपका निर्देशकद्वय शैलेश सघांई र राशी सघांई,गोकर्ण गल्फ क्लबका अध्यक्ष सुहृद घिमिरे र क्लबका कप्तान जोसेफ नाथन विजेता खेलाडीलाई पुरस्कृत गरे ।
