काठमाडौं (हाम्रो खेलकुद) – सन्तोष राई र पवन भट्टराई आइवा युथ विश्व च्याम्पियानसिपका लागि छनोट भएका छन् । रसियाको सेन्स पिटरवर्गमा नभेम्वर १४ देखि २७ सम्म हुने प्रतियोगिताका लागि सुनसरीका सन्तोषले ५२ केजी तौल समूहको अन्तिम खेलमा मेगदुतका प्रदिप घिमिरेलाई स्पिलिटको आधारमा २–१ ले पराजित गदै विश्व च्याम्पियानसिपमा स्थान सुरक्षित गरेका थिए ।
मेघदुतका प्रदीप घिमिरेमाथि मुक्का प्रहार गर्दै सन्तोष राई । फोटो–राखेप
त्यस्तै नक्सालका पवनले ६४ केजी तौल समूहमा आफ्नै क्लबका सुमित पिठाकोटीलाई अंकका अधारमा हराउँदै छनोट हुन सफल भएका हुन् । नेपाल बक्सिङ संघको आयोजनामा त्रिपुरेश्वर स्थित केन्द्रिय बक्सिङ प्रशिक्षण केन्द्रमा संचालन भएको छनोट कार्यक्रममा राखेपका सदस्य नारायणप्रसाद पौडेल,नेपाल बक्सिङ संघका अध्यक्ष राम अवाले,बक्सिङका मुख्य प्रशिक्षक प्रकाश थापामगरलगायतको उपस्थिति रहेको थियो ।
