3 years ago
July 1, 2021
प्रकाश तिमल्सिना, काठमाडौं टोकियो २०२० ओलम्पिकमा नेपालको तर्फबाट एथलेटिक्समा सरस्वती चौधरीले महिला १ सय मिटर दौडमा सहभागिता जनाउने भएकी छिन् । यसअघि पुरुष म्याराथनमा गोपिचन्द्र पार्कीले प्रतिस्पर्धा गर्ने भनेपनि विश्व एथलेटिक्सले सार्वजनिक गरेको छनोट खेलाडी सुचिमा नेपालबाट सरस्वतीको नाम रहेको छ । गोपीको नाम भने सुचिमा छैन । गोपीको सहभागिताको विषयमा छलफल गर्न एनओसीमा बिहीबार दिउँसो […]
प्रकाश तिमल्सिना, काठमाडौं
टोकियो २०२० ओलम्पिकमा नेपालको तर्फबाट एथलेटिक्समा सरस्वती चौधरीले महिला १ सय मिटर दौडमा सहभागिता जनाउने भएकी छिन् । यसअघि पुरुष म्याराथनमा गोपिचन्द्र पार्कीले प्रतिस्पर्धा गर्ने भनेपनि विश्व एथलेटिक्सले सार्वजनिक गरेको छनोट खेलाडी सुचिमा नेपालबाट सरस्वतीको नाम रहेको छ । गोपीको नाम भने सुचिमा छैन ।
गोपीको सहभागिताको विषयमा छलफल गर्न एनओसीमा बिहीबार दिउँसो छलफल भएको थियो । ओलम्पिकको लागि लामो समयदेखि तयारीमा रहेको उनको नाम अन्तिम समयमा आएर नेपाल ओलम्पिकक कमिटीकै तयारी सुचिमा नभएपछि उनको सहभागितामा शंका उत्पन्न भएको थियो । नेपालबाट ओलम्पिकमा भाग लिने खेलाडीका लागि राखेपले बुधबारबाट सोल्टी होटलमा राख्ने व्यवस्था गरेको थियो ।
राखेपतर्फबाट राष्ट्रिय टोली तयारी समितिका प्रमुख महेन्द्र राईलाई खेलाडीको व्यवस्थापनको जिम्मेवारी दिएको थियो । उनले गोपीलाई बुधबार होटल आउन खबर पनि गरेका थिए । तर पछि एनओसीले पठाएको सुचीमा उनको नाम नदेखेपछि राईले गोपीलाई फोन गरेर अहिले नआउन जानकारी गराएका थिए ।
एनओसीकै स्वृकितीमा गत वर्ष नेपालगन्ज म्याराथनको टोकियो ओलम्पिकका लागि म्याराथनको छनोट भएको थियो । त्यसमा गोपी विजयी भएका थिए । तर गोपीको नाम ओलम्पिक खेल्ने सुचिमा नभएपछि संघ र ओलम्पिकका प्रतिनिधिसँगै आज छलफल हुँदैछ । दुवैले हालसम्म कुनै अधिकारिक धारणा सार्वजनिक गरेका छैनन् । गोपी नेपालगन्ज म्याराथनपछि नियमित प्रशिक्षणमा छन् । उनलाई एपिएफकै सन्तोष श्रेष्ठले प्रशिक्षण दिदै आएका छन् ।
ओलम्पिक जाने भनिएका ५ मध्ये पौडीकी गौरिका सिंह बेलायतमै छन् भने बाँकी खेलाडी नेपालमा तयारी गरिरहेका छन् । युनिभर्सालिटी कोटामा पौडीकी गौरिका र एलेक्स शाह तथा एथलेटिक्सबाट गोपीको नाम रहेको एनओसीले जानकारी दिँदै आएको थियो । तर एथलेटिक्समा भने अन्तिम समयमा गोपीको स्थानमा सरस्वती खेल्ने भएकी छिन् ।
सुटिङकी कल्पना परिवार र जुडोकी सोनिया भट्टले वाइल्ड कार्ड पाएका थिए । एलेक्स, कल्पना र सोनिया तथा उनीहरुका प्रशिक्षक भने बुधबारदेखि सोल्टी होटलमा बसेका छन् । ओलम्पिकमा जानुअघि सम्म उनीलाई राखेपले होटलमै राख्ने बताइएको छ ।
शुक्रबार एनओसीले ओलम्पिक सहभागिताका लागि स्प्रिन्टरको नाम मागेपछि नेपाल एथलेटिक्स संघले सरस्वती चौधरीको नाम पठाएको थियो । संघका अध्यक्ष राजीवविक्रम शाहले भने, ‘एनओसीले स्प्रिन्टरको नाम मागेपछि हामीले अहिले हामीसँग भएको उत्कृष्ट मध्ये र विश्व च्याम्पियनसिप पनि खेलेकोले सरस्वतीको नाम पठाएका छौं ।’
शाहले गोपीका विषयमा के भएको भन्ने आफूले पनि अझै प्रष्ट बुझ्न नसकेको विहिबार विहान बताएका थिए । एनओसीले आज छलफलको लागि बोलाएको छ, उनले भने, ‘गोपी यति लामो समयदेखि तयारीमा छन् । अहिले कसरी सहभागिता नहुने भएको सम्भवत आज एनओसीले यो विषयमा प्रष्ट पार्नेछ ।’
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]