एजेन्सी – ब्राजिल तथा फ्रान्सेली क्लब पेरिस सेन्ट जर्मेन (पिएसजी) का स्टार फरवार्ड नेयमार कम्तीमा आठ साता मैदान बाहिर रहने भएका छन् । घुँडाको चोटको कारण नेयमार लामो समय मैदान बाहिर रहने क्लबले पुष्टि गरेको छ ।

नेयमारले लिग वान अन्तरगत सेन्ट इटिएनमाथि ३–१ को पूनरागमन जित निकालेको खेलमा नेयमारको घुँडामा चोट लागेको थियो । उनलाई असहज भएपछि स्ट्रेचरबाट मैदान बाहिर निकालिएको थियो । नेयमारले चोट नेयमारलाई चोट लाग्नुअघि पिएसजीले खेलमा २–१ को अग्रता लिएको थियो ।

अब २९ वर्षीय नेयमार जनवरी २०२२ सम्म मैदान बाहिर रहनेछन् । यसको अर्थ उनले अब २०२१ का सम्पुर्ण खेलहरु गुमाउनेछन् । नेयमारले यो सिजन पिएसजीका लागि १४ खेल खेल्दा ३ गोल गरेका छन् ।

पिएसजीले क्लबको आधिकारिक वेबसाइटमा जारी गरेको विज्ञप्तिमा भनिएको छ,’ नेयमारको बाँया खुट्टामा स्प्रेन भएको र लिगामेन्टमा चोट लागेको पुष्टि गरेको छ । यो परिक्षणमा उनी ६ देखि ८ साता मैदान बाहिर हुनेछन् । यो ७२ घन्टापछि अझ विस्तृतमा आउनेछ ।’ नेयमारले सामाजिक सन्जालमा चोट एथलिटको जीवनको एक हिस्सा रहेको र आफु अझै बलियो भएर फर्कने लेखेका छन् ।

पिएसजी जनवरी १६ मा कतारको भ्रमणमा निस्कदैछ । सोही भमणमा नेयमारपनि जोडिन सक्ने सम्भावना रहेको छ । यो अवधिमा उनले च्याम्पियन्स लिगका समूह चरणको क्लब ब्रुगविरुद्धको अन्तिम खेल, लिग वानको विन्टर ब्रेकअघि निस, लेन्स, मोनाको र लोएिन्टसँगको खेल गुमाउनेछन् । पिएसजीले ९ जनवरीमा लियोनसँग खेल्दैछ । त्यसपछि अर्काे साता ब्रेस्टसँग खेल्दैछ । उक्त खेलबाट नेयमारले पूनरागमन गर्ने सम्भावना रहेको छ ।