काठमाडौं (हाम्रो खेलकुद) – रुस्लान थ्री स्टार क्लब र नेपाल एपिएफ फुटबल क्लबले कतार एअरवेज सहिद स्मारक ‘ए’ डिभिजन लिग अन्तगतको खेलको पहिलो हाफमा बराबरी खेलेका छन् ।
त्रिपुरेश्वरस्थित दशरथ रंगशालामा आइतबार भएको खेलको पहिलो हाफ गोलरहित बराबरीमा सकिएको हो । २९औं मिनेटमा हेमन्त थापामगरको कर्नरमा राफयल रिमगागोको हेडर पोस्टमाथिबाट बाहिरिदा थ्री स्टार अग्रता लिनबाट चुक्यो ।
३०औं मिनेटमा मणि कुमार लामाको फ्रिकिकलाई थ्री स्टारका गोलरक्षक प्रिसोले मुस्किलले नियन्त्रणमा लिदै एपिएफको अग्रता टारे । पहिलो हाफको इन्ज्युरी समयको थप गरिएको पहिलो मिनेटमा अनन्त तामाङले सुवर्ण अवसर पाएपनि उनको प्रहार फितलो बन्यो ।
