काठमाडौं (हाम्रो खेलकुद) – रुपन्देही ११ नेपाल आर्मी क्लबलाई २–१ हराउँदै सहारा सुरुङ्गा गोल्डकप फुटबल प्रतियोगिताको सेमिफाइनलमा पुगेको छ ।
आइतबार कनकाई माविको खेलमैदानमा भएको खेलमा रुपन्देहीले पहिलो हाफमै अग्रता लिएको थियो भने खेलअवधि भर दबाब बनाइराखेको थियो । रुपन्देहीका लागि दुवै गोल दीपक राईले गरे । ३५ औं मिनेटमा असिमजंग कार्कीको क्रस पासमा गोल गरेका दीपकले ५२ औं मिनेटमा अर्को गोल थपेका थिए ।
शनिबार फ्रेन्ड्स अफ जापानसँगको खेलमा राजधानी राष्ट्रिय टोलीबाट खेलेका नवयुग श्रेष्ठ र भरत खवासर रुपन्देहीविरुद्ध उत्रेका थिए । भरतले खेल सकिन ११ मिनेटअघि गोल फर्काएपछि टोलीको हार टरे । रुपन्देहीका दीपक खेलको म्यान अफ दी म्याच बने । प्रतियोगितामा आज झापा ११ र एपिएफबीच प्रतिस्पर्धा हुनेछ ।
