काठमाडौं (हाम्रो खेलकुद)- एपिएफ फुटबल क्लब र न्युरोड टिम एनआरटीले पहिलो हाफमा बराबरी खेलेका छन्।
कतार एअरवेज शहिद स्मारक ए डिभिजन लिगको छैटौँ चरणको पहिलो खेलमा एनआरटी एपीएफले १-१ गोलको बराबरी गरेका छन्।
३२ औँ मिनेटमा दर्शन गुरुङले गोल गर्दे एनआरटीलाई अग्रता दिलाए। मेसुके ओलुमोउको क्रसमा अनमार्क रहेका उनले फ्रि हेडरमार्फत गोल गर्न सफल भएका थिए ।
त्यसको ५ मिनेटपछि नै आशिष लामाले गोल गर्दै एपीएफलाई बराबरीमा ल्याएका थिए। उनले ३७ औँ मिनेटमा प्रदिप लामाको पासका गोल गरेका थिए।
त्यसअघि खेलको नवौ मिनेटमा दर्शन गुरुङको प्रहार एपिएफका गोलरक्षक युया कुरियामाले पञ्च गर्दै बचाए । १६ मिनेटमा आशिष लामाको पासमा प्रदीप लामाको प्रहार दोस्रो बार च्याप्दै बाहिरियो।
एपीएफ ५ अंकमा अंक तालिकाको ११ औँ स्थानमा छ। ६ अंक भएको एनआरटी भने सातौँ स्थानमा छ।
