2 years ago
January 2, 2022
काठमाडौं (हाम्रो खेलकुद)– मछिन्द्र फुटबल क्लबले आइतबार एएफसी कप छनोटका लागि स्थान पक्का गर्दा टोलीका गोलरक्षक विशाल श्रेष्ठले लगातार छैटौं खेलमा क्लिन सिट (गोल नखाएको खेल) राखेका छन् ।
टोलीका सबै ७ खेलमा पहिलो रोजाईमा मछिन्द्रको पोष्ट सम्हालेका विशालले न्यूरोड टिम (एनआरटी) विरुद्ध २–१ को जितमा एकमात्र गोल खाएका थिए । त्यसअर्थ उनले लिगको पछिल्लो ५ सय ७६ मिनेट गोल खाएका छैनन् । पहिलो खेलमा एनआरटीका एरिक विष्टले ५४ औं मिनेटमा मछिन्द्रविरुद्ध गोल गरेका थिए । उनले झन्डै २५ यार्ड टाढाबाट दर्शनीय फ्रिकिक गोल गरेयता कुनै पनि खेलाडीले विशाललाई गोल गर्न सकेका छैनन् ।
विशालले भने क्लिन सिटको श्रेय सम्पूर्ण टोलीको रहेको बताउँछन् । ‘यो भनेको टिम वर्क हो । डिफेन्स मात्र होइन, स्ट्राइकरले पनि प्रशिक्षकले भने जस्तै खेलेर यो सम्भव भएको हो’, पुलिसविरुद्धसँगको जितपछि विशालले भने, ‘गोल हान्ने मात्र होइन कि जित्नका लागि पहिलो रोक्नु पनि पर्छ भन्ने प्रशिक्षकको योजनालाई हामी सबैले मिलेर व्यवहारमा उतार्ने प्रयास गरेका हौं । समग्र टोलीको मेहनतले यो सम्भव भएको छ ।’
भारतविरुद्ध मैत्रीपूर्ण खेलमार्फत राष्ट्रिय फुटबल टोलीबाट डेब्यू गरेका विशालले डेब्युको अवसरले आफ्नो खेलमा सकारात्मक प्रभाव परेको बताए । ‘राष्ट्रिय टोलीबाट खेल्ने सपना थियो । त्यो सपना पूरा भयो’, उनले भने, ‘त्यो मौकाले मलाई सकारात्मक उर्जा थपेको छ । उत्साह बढाएको छ ।’
झण्डै १० वर्ष राष्ट्रिय टोलीमा रहेका विशालले साफ च्याम्पियनसिप अघि भएको भारतविरुद्धको मैत्रीपूर्ण खेलमा डेब्यूको मौका पाएका थिए । मनाङ मर्स्याङ्दी क्लबबाट लामो समय खेलेका विशाल टोलीका अन्य सिनियर खेलाडीसँगै २०७६ मा मछिन्द्रमा आबद्ध भएका थिए । सोही वर्ष मछिन्द्रले पहिलो पटक लिग उपाधि जितेको थियो । विशालले सन् २०७० यता लगातार तीन लिग उपाधि जितिसकेका छन् ।
विशालले राष्ट्रिय टोलीबाट डेब्यु गरेपछिको सामग्री पढ्नुहोस : डेब्युको ‘विशाल’ प्रतिक्षा
May 8, 2024
एजेन्सी – फ्रेन्च टोली पेरिस सेन्ट जर्मान (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा प्रवेश गरेको हो । पिएसजीको घरेलु मैदान पार्क डेश प्रिन्सेसमा भएको दोस्रो लेगमा […]
May 7, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने खतरा बढेपछि युवा तथा खेलकुद मन्त्री बिराजभक्त श्रेष्ठले त्यसमा चासो देखाएका छन् । एसियाली फुटबल महासंघ (एएफसी) ले गत साता गरेको निरीक्षणपछि दशरथ रंगशालाको विभिन्न पक्षमा प्रश्न उठाएको छ । त्यसकारण जेठ २४ गते नेपाल र […]
May 7, 2024
एजेन्सी – युरोपेली च्याम्पियन्स लिग अन्तर्गत सेमीफाइनलको दोस्रो लेगमा पेरिस सेन्ट जर्मान (पिएसजी) आज भिड्ने छन् । खेल नेपाली समय अनुसार राती १२:४५ बजे पिएसजीको घरेलु मैदान पार्क डेश प्रिन्सेसमा सुरु हुनेछ । गत बुधबार भएको पहिलो लेगमा डर्टमुण्डले १-० को अग्रता लिएको थियो । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरेका […]