default_image

3 years ago

September 6, 2021

डेब्युको ‘विशाल’ प्रतिक्षा

सुबास हुमागाईं, काठमाडौं बेलायती प्रशिक्षक ग्राहम रोबर्ट्सले सन् २०११ मा नेपाली राष्ट्रिय फुटबल टोलीले विश्वकप छनोटमा पूर्वी टिमोरको सामना गर्दा २३ सदस्यीय अन्तिम टोलीमा ४ गोलरक्षक समावेश गरे । अन्तिम टोलीमा ४ गोलरक्षक समावेश गर्नु निकै दुर्लभ अवसर थियो । प्रशिक्षक रोबर्ट्सलाई यो निर्णय लिन बाध्य बनाएका थिए युवा गोलरक्षक विशाल श्रेष्ठले । घरेलु फुटबलमा मनाङ […]

93 views

0 Bookmark

सुबास हुमागाईं, काठमाडौं

बेलायती प्रशिक्षक ग्राहम रोबर्ट्सले सन् २०११ मा नेपाली राष्ट्रिय फुटबल टोलीले विश्वकप छनोटमा पूर्वी टिमोरको सामना गर्दा २३ सदस्यीय अन्तिम टोलीमा ४ गोलरक्षक समावेश गरे । अन्तिम टोलीमा ४ गोलरक्षक समावेश गर्नु निकै दुर्लभ अवसर थियो । प्रशिक्षक रोबर्ट्सलाई यो निर्णय लिन बाध्य बनाएका थिए युवा गोलरक्षक विशाल श्रेष्ठले । घरेलु फुटबलमा मनाङ मर्स्याङ्दी र क्याम्पमा पनि प्रभावशाली प्रदर्शन गरेपछि उनी टोलीमा परेका थिए ।

त्यसबेला टोलीमा किरण चेम्जोङ पहिलो रोजाइका गोलरक्षक थिए भने विकास मल्ल र रितेश थापा किरणलाई चुनौती दिइरहेका थिए । विशालको प्रदर्शनले रोबर्ट्सलाई छनोट गर्न निकै कठिन भएपछि चारै खेलाडी समेटेका थिए । त्यसबेला १८ वर्ष पुगेका विशालले राष्ट्रिय टोलीमा परेको लयलाई क्लब स्तरमा थप बढावा दिए । मोफसलका प्रतियोगितासँगै मनाङबाट लिग उपाधि जित्दा उनी उत्कृष्ट पनि घोषित भए ।

राष्ट्रिय टोलीमा स्थान बनाएको एक दशक बितिसक्दा पनि उनले डेब्यु गर्न भने पाएनन् । चोटका कारण बिचमा एकाध प्रतियोगिता गुमाउनुभन्दा बाहेक उनी टोलीमा नै रहँदै आए । विशालले पछिल्लो दशकमा साफ च्याम्पियनसिप, विश्वकप छनोट, एसियन कप छनोट लगायत थुप्रै मैत्रीपूर्ण खेलका टोलीमा रहेपनि डेब्यु पाएका थिएनन् । सन् २०१६ मा नेपालले एएफसी सोलिडारिटी कपको उपाधि जित्दा पनि उनी टोलीमा थिए । तर त्यसबेला खेल्न भने पाएनन् । अन्तिम टोलीमा परेपनि मैदानमा छिर्न भने नपाएका विशाल अझैपनि अवसरको प्रतिक्षामा निरन्तर मिहिनेत गरिरहेका थिए ।

डेब्यु गर्ने अवसरमा नजिक आएर पनि विशाल पटक पटक त्यसबाट बन्चित भए । दुई पटक त उनलाई डेब्यु गर्ने तयारी गरिएका मैत्रीपूर्ण खेल नै रद्द समेत भए । पछिल्लो पटक कोरोना संक्रमणको प्रभाव केहि कम भएपछि बंगलादेशविरुद्ध ढाकामा भएको मैत्रीपूर्ण खेलमा विशाल डेब्यु गर्ने संघारमा थिए । तर त्यहाँ वार्मअप गरेर पनि उनी मैदान पस्न पाएनन् ।

त्यसो त भारतविरुद्ध पहिलो खेलमा पनि विशालले वार्मअपमा झन्डै आधा घण्टा बिताए । कप्तान तथा गोलरक्षक किरणले पेनाल्टी क्षेत्र बाहिर आएर हातले बल रोकेपछि प्रशिक्षक अलमुताइरीले विशाललाई वार्मअप गर्न पठाएका थिए । तर दोस्रो हाफको खेलमा भारतले पकड जमाउँदै लगेपछि प्रशिक्षक अलमुताइरीले गोलरक्षक परिवर्तन गर्ने जोखिम उठाएनन् । उनी आफैंले पोस्ट म्याच कन्फरेन्समा गोलरक्षक परिवर्तन गर्ने जोखिम उठाउन नचाहेको बताए ।

भारतविरुद्ध दोस्रो मैत्रीपूर्ण खेलमा आइतबार भने विशालले अन्तत: डेब्यु गरे । विशालले डेब्यु गर्दा टोलीको गोलरक्षक प्रशिक्षकमा विकास मल्ल थिए । उनै विकास, जो विशाल पहिलो पटक टोलीमा पर्दा पहिलो रोजाइको स्थानका लागि किरणसँग प्रतिस्पर्धामा थिए । र विशालले ८६ औं मिनेटमा मैदान प्रवेश गर्दा स्थान पनि किरणकै लिए, जसले २०११ देखि फर्केर हेर्नुपरेको छैन ।

घरेलु फुटबलमा झन्डै डेढ दशक खेलेका विशालका लागि यो कति महत्त्व राख्छ उनको नजिक रहेर खेल्ने सबैले बुझेका छन् । भारतले जित हासिल गरेपनि खेल सकिएलगत्तै प्रशिक्षक अलमुताइरी, गोलरक्षक किरण, विकेश कुथु लगायत सबै खेलाडीले उनीसँग अंकमाल गरेका थिए । उनी आफैं पनि निकै भावुक देखिए ।

केहीबेरमा उनले आफ्नो ३ वर्षीय छोरीलाई बोक्दै आफ्नो खुसी साटे । श्रीमती इलिशा श्रेष्ठ पनि भावुक देखिइन् । विशाल खेलाडी करिअरको सुरुवाती समयमा रहँदा बसेको उनीहरुको प्रेम सम्बन्ध सन् २०१६ मा वैवाहिक सम्बन्धमा परिवर्तन भएको थियो । परिवारले पनि विशालको फुटबलमा निकै साथ दिँदै आएको छ । उनको दिदि विद्या श्रेष्ठले सन् २०१६ को सोलिडारिटी कप दौरान मलेसियामा रहेको टोलीलाई नै भाइटिका पठाएकी थिइन् । विशालको डेब्युपछि उनको भावनात्मक स्ट्याटसले पनि यो डेब्युको महत्त्व झल्काएको छ ।

विशाल नेपालको घरेलु फुटबलमा सर्वाधिक सफल गोलरक्षकमा पर्छन् । उनले जित्न बाहेक सायदै केहि उपाधि होला । व्यक्तिगत होस् या टोली, उनले एकपछि अर्को सफलता चाखेका छन् । राष्ट्रका लागि उनले निरन्तर योगदान त दिइरहेका थिए र त्यसलाई देखाउन उनीसँग त्यो ‘क्याप’ थिएन । भारतविरुद्ध खेलमा डेब्युसँगै त्यो पनि पूरा भएको छ ।

ए डिभिजन जितेपछि छोरीसँगै उपाधि उचाल्दै विशाल 

सन् २०१५ को साफ च्याम्पियनसिपअघि घुँडाको चोट होस् या त्यसअघि यू-२३ उमेर समूहमा खेल्दा नाडीको चोट । दुवै अवसरमा विशालले ठूला प्रतियोगितामा आफूलाई सिद्ध पार्ने अवसर गुमाएका थिए । सन् २०१५ को साफअघि लागेको चोटले त उनी बंगबन्धु र १२ औं सागको टोलीमा छनोटबाट नै चुक्न पुगे । जुन बेला उनी आफ्नो खेलको उच्च लयमा थिए, त्यसबेला चोटले उनलाई पिरोल्यो । तर उनले हार मानेनन् र निरन्तर पुनरागमनको प्रयास गरिरहे ।

विशालले डेब्यु गरेको केहि घण्टापछि राष्ट्रका लागि सेवा गर्ने पुरा भएको आशयका साथ स्ट्याटस लेखेका छन् । पक्कैपनि उनले आफ्नो दशक पुरानो सपना पूरा गरेका छन् । उमेरले भर्खर २८ वर्ष पुगेका उनको राष्ट्रिय टोलीको करिअर अब कता जान्छ, उनले जान्नेछन् । तर यसबीचमा गरेको संघर्षको प्रतिफल भने उनले पाएका छन् ।

यो पनि : तेजको तेजिलो पुनरागमन

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.