2 years ago
January 8, 2022
काठमाडौं (हाम्रो खेलकुद) – आत्मघाती गोल मद्दतमा शीर्षस्थानमा रहेको मछिन्द्र फुटबल क्लबले रेलिगेसन जोनको पुछारमा रहेको फ्रेन्ड्स क्लबमाथि संघर्षपूर्ण जित निकालेको छ । मछिन्द्रले फ्रेन्ड्समाथि १–० को जित निकाल्दै लिगमा अपराजित रहन सफल भएको हो । त्रिपुरेश्वरस्थित दशरथ रंगशालामा शनिबार भएको खेलमा मछिन्द्रले फ्रेन्ड्सलाई दवावमा राखेपनि गोलको लागि संघर्ष गर्नुपर्दा दोस्रो हाफमा आत्मघाती गोलको सहारा […]
काठमाडौं (हाम्रो खेलकुद) – आत्मघाती गोल मद्दतमा शीर्षस्थानमा रहेको मछिन्द्र फुटबल क्लबले रेलिगेसन जोनको पुछारमा रहेको फ्रेन्ड्स क्लबमाथि संघर्षपूर्ण जित निकालेको छ ।
मछिन्द्रले फ्रेन्ड्समाथि १–० को जित निकाल्दै लिगमा अपराजित रहन सफल भएको हो । त्रिपुरेश्वरस्थित दशरथ रंगशालामा शनिबार भएको खेलमा मछिन्द्रले फ्रेन्ड्सलाई दवावमा राखेपनि गोलको लागि संघर्ष गर्नुपर्दा दोस्रो हाफमा आत्मघाती गोलको सहारा लिनुपरेको थियो ।
खेलको छैटौं मिनेटमा फ्रेन्ड्स क्लबका श्यामबाबु क्याप्छेकीले नुर्लान नोभ्रुजोभलाई फउल गरेपछि प्राप्त फ्रिकिकमा बिशाल राईको प्रहार गोलरक्षक राहुल रामचन्द्र यादवले बचाए । नवौं मिनेटमा सुनिल बलको कर्नरमा अभिषेक रिजालको हेडर पोस्टमाथिबाट बाहिरियो ।
४५औं मिनेटमा अभिषेक रिजालको पेनाल्टी बक्सबाहिरको सशक्त प्रहार गोलरक्षक राहुले पञ्च गर्दै बचाउँदा मछिन्द्र अग्रता लिनबाट चुक्यो ।
इन्ज्युरी समयको थप गरिएको तेस्रो मिनेटमा कप्तान प्रिजेन तामाङको डाइभिङ हेडर पोस्टनजिकैबाट बाहिरिदा फ्रेन्ड्सले अग्रता लिन सकेन ।
५३औं मिनेटमा जमल एन्थोनी फ्रान्कोइसको प्रहार सिधै गोलरक्षक विशाल श्रेष्ठको हातमा पुग्यो । ६७औं मिनेटमा आत्मघाती गोलबाट मछिन्द्रले खेलमा १–० को अग्रता लिन सफल भयो । कप्तान सुजल श्रेष्ठको क्रसलाई आकाश राईले हेड गर्दा रोनेल एन्थोनी पउलले हेडमार्फत गोलरक्षक राहुललाई दिएको पासले जाली चुम्न पुगेको थियो ।
जितसँगै अपराजित रहेर शीर्षस्थानमा रहेको मछिन्द्रको ८ खेलबाट २० अंक पुगेको छ । लगातार हारसँगै फ्रेन्ड्सको रेलिगेसनको दवाव बढेको छ । फ्रेन्ड्स ८ खेलबाट ३ अंक जोडेर पुछारमा रहेको छ ।
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]
April 28, 2024
हिमाल खरेल, झापाझापाको बुद्वशान्तिमा सुरु भएको तेस्रो आदर्श च्यालेन्ज कप फुटबल प्रतियोगिताको उद्घाटन खेलमा विजयी हुँदै आयोजक आदर्श युवा क्लब सेमिफाइनलमा प्रवेश गरेको छ । ध्रुवतारा स्पोर्टिङ क्लबलाई २-१ले हराउँदै आयोजक अन्तिम चारमा पुगेको हो । आयोजकका लागि खेलको १७ औं मिनेटमा कप्तान पुजन थापाले पहिलो गोल गरे । रोमन भुजेलले दिएको क्रसमा पेनाल्टी बक्समा […]
April 28, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल खालिज माथि १-० को जित निकालेको हो । अल नासरको जितमा डिफेन्डर आईमेरीक लापोर्टले खेलको एकमात्र गोल गरे । ६८औं मिनेटमा मार्सेलो ब्रोजोभिचको क्रसमा उनले हेडर मार्फत गोल गर्दै खेलमा आफ्नो टोलीलाई जित दिलाए । जित पछि […]