2 years ago
January 8, 2022
पोखरा (हाम्रो खेलकुद) – नाइजेरियन फरवार्ड ओलावाले अफिजको ह्याट्रिकमा मनाङ–मर्स्याङ्दी क्लबले च्यासल युवा क्लबमाथि फराकिलो जित हासिल गरेको छ । कतार एअरवेज सहिद स्मारक ए डिभिजन लिगअन्तर्गत पोखरा रंगशालामा भएका तेस्रो तथा अन्तिम खेलमा मनाङले शनिबार च्यासललाई ५–० ले हराएको हो । च्यासलमाथि जित हासिल गर्दै मनाङले लिग उपाधिको दाबेदारीलाई यथावत राखेको छ । ओलावालेको […]
पोखरा (हाम्रो खेलकुद) – नाइजेरियन फरवार्ड ओलावाले अफिजको ह्याट्रिकमा मनाङ–मर्स्याङ्दी क्लबले च्यासल युवा क्लबमाथि फराकिलो जित हासिल गरेको छ । कतार एअरवेज सहिद स्मारक ए डिभिजन लिगअन्तर्गत पोखरा रंगशालामा भएका तेस्रो तथा अन्तिम खेलमा मनाङले शनिबार च्यासललाई ५–० ले हराएको हो ।
च्यासलमाथि जित हासिल गर्दै मनाङले लिग उपाधिको दाबेदारीलाई यथावत राखेको छ । ओलावालेको ह्याट्रिकसँगै मनाङका लागि आडेलाजा सोमिडे र दीनेश राजवंशीले १-१ गोल गरेका थिए । जारी लिगमा यो दोस्रो ह्याट्रिक हो । यसअघि सातदोबाटो युथ क्लबका अजयी मार्टिन्सले एपिएफ फुटबल क्लबविरुद्ध ह्याट्रिक गरेका थिए । नेपाली खेलाडीले भने जारी लिगमा ह्याट्रिक पूरा गर्न सकेका छैनन् ।
त्यसअघि शनिबार नै दशरथ रंगशालामा मछिन्द्र फुटबल क्लबले पुछारको फ्रेन्ड्स क्लबलाई १–० ले हराउँदै अंकतालिकाको शीर्षस्थालाई कायम राखेको थियो । मनाङले च्यासलविरुद्ध पहिलो हाफमा २–० को अग्रता बनाएको थियो । दोस्रो हाफमा ३ गोल थप्दै टोलीले लिगमा छैटौं जित दर्ता गराएको हो ।
चौथो मिनेटमा आडेलाजा सोमिडेको गोलबाट मनाङले अग्रता लिएको थियो । उनले च्यासलको कमजोर डिफेन्सको फाइदा उठाउँदै गोल गर्न सफल भए । ४३औं मिनेटमा ओलावालेले गोल गर्दै मनाङको अग्रता दोब्बर पारे ।
दोस्रो हाफको ८६ औं मिनेटमा दीनेश राजवंशीले गोल गर्दै मनाङलाई ३-० को अग्रता दिलाए । उनले रुपेश केसीको कर्नरलाई सिधै गोल गरेका थिए । उक्त कर्नर रोक्ने प्रयासमा च्यासलका गोलरक्षक प्रदीप भण्डारी घाइते भएका थिए । आफ्नै खेलाडीसँग जुधेपछि काखीमा चोट बोकेका उनको स्थानमा युवा गोलरक्षक सन्तोष महत मैदान छिरेका थिए ।
आफिजले सन्तोषमा अनुभवको कमीको फाइदा उठाउँदै इन्ज्युरी समयमा २ गोल थप्दै ह्याट्रिक पूरा गरेका थिए । उनले इन्ज्युरी समयको तेस्रो मिनेटमा विमल रानाको पासमा दुई डिफेन्डरको चुनौती चिर्दै बललाई पोस्टको दिशा दिए । लगत्तै अन्जन विष्टको पासमा डिफेन्स र गोलरक्षकलाई बिट गर्दै उनले ह्याट्रिक पूरा गरे ।
यसअघि मनाङले पोखरा रंगशालामा यसअघि नेपाल पुलिस क्लबलाई ३–१ र ब्रिगेड ब्वाइज क्लबलाई १–० ले हराएको थियो । ८ खेलमा मनाङले ६ जित, १ बराबर र १ हारका साथ १९ अंक जोड्दै दोस्रो स्थानमा रहेको छ । शीर्षस्थानको मछिन्द्रको २० अंक पुगेको छ । पाँचौं हार बेहोरेको पुछारबाट दोस्रो स्थानमा रहेको च्यासलको ५ अंक छ ।
May 1, 2024
काठमाडौं (हाम्रो खेलकुद) – मैत्रीपूर्ण खेलका लागि तयारीमा रहेको नेपाली राष्ट्रिय फुटबल टोलीको भिसा आएपछि आजै राति इङ्ल्यान्ड त्यसतर्फ जाने भएको छ। इङ्ल्यान्ड सीसँगको मैत्रीपूर्ण खेलका लागि नेपाली टोली मंगलबार त्यसतर्फ जाने तयारी थियो। तर भिसा नआएपछि टोलीको यात्रा रोकिएको थियो। २३ खेलाडीसहितको ३० सदस्यीय टोलीको भिसा आएको अखिल नेपाल फुटबल संघ (एन्फा) को श्रोतले […]
May 1, 2024
एजेन्सी – युरोपेली च्याम्पियन्स लिग अन्तर्गत पहिलो सेमीफाइनलको पहिलो लेगमा बायर्न म्युनिख र रियल म्याड्रिडले बराबरी खेलेका छन् । घरेलु मैदान आलियान्ज एरिनामा भएको खेलमा बायर्नले खेलमा रहेको अग्रता अन्तिम तिर गुमाउन पुगेको थियो । १-० ले पछि परेको अवस्था उल्ट्याउँदै बायर्नले हाफको सुरुवातमै गोलको अग्रता बनाएको हो । तर खेलको अन्त्यतिर रियलले बराबरी गोल […]
April 30, 2024
काठमाडौं (हाम्रो खेलकुद) – सागर थिङले दोस्रो हाफमा गरेको ह्याट्रिक सहित पुल्चोक स्पोर्ट्स क्लबले सहिद स्मारक सि डिभिजन लिगमा मंगलबार सहज जित दर्ता गरेको छ । पुल्चोकले रानीवन स्पोर्ट्स क्लब माथि ४-० को सहज जित दर्ता गरेको हो । पुल्चोकका लागि सागर थिङले ह्याट्रिक गरे । उनले दोस्रो हाफमा मैदान प्रवेश गर्दा ८२औं मिनेट सहित […]