2 years ago
January 10, 2022
काठमाडौं (हाम्रो खेलकुद)- कतार एअरवेज शहिद स्मारक ए डिभिजन लिगको आठौँ चरणको अन्तिम खेलमा सोमबार नेपाल पुलिस क्लब र ब्रिगेड ब्वाईज (बिबिसी) ले १-१ को बराबरी खेलेका छन्। त्रिपुरेश्वरस्थित दशरथ रंगशालामा भएको खेलमा पुलिसविरुद्ध बिबिसीले अग्रता लिएपनि जोगाउन नसक्दा बराबरीमा चित्त बुझाउँन पर्यो । खेलको पहिलो हाफमा एक एक गोल गरेका दुवै टोलीले दोस्रो हाफमा गोल […]
काठमाडौं (हाम्रो खेलकुद)- कतार एअरवेज शहिद स्मारक ए डिभिजन लिगको आठौँ चरणको अन्तिम खेलमा सोमबार नेपाल पुलिस क्लब र ब्रिगेड ब्वाईज (बिबिसी) ले १-१ को बराबरी खेलेका छन्।
त्रिपुरेश्वरस्थित दशरथ रंगशालामा भएको खेलमा पुलिसविरुद्ध बिबिसीले अग्रता लिएपनि जोगाउन नसक्दा बराबरीमा चित्त बुझाउँन पर्यो । खेलको पहिलो हाफमा एक एक गोल गरेका दुवै टोलीले दोस्रो हाफमा गोल गर्न सकेनन्।
खेलको दोस्रो मिनेटमा नै बिबिसीका शिशिर लेखीको प्रहार पुलिसका गोलरक्षक शत्रुधन चौधरीले पन्च गर्दै बचाएपनि त्यसैको रिबाउण्डमा आएको बललाई रोशन आले मगरले पोेष्टको दिशा दिएका थिए।
त्यसको एक मिनेटमा नै बुद्ध तामाङले फ्रिकीकमा गोल गर्दै पुलिसलाई बराबरीमा ल्याए। खेलको १३ मिनेटमा बीबीसीका जोनाथन रोडीको फ्रिकिक प्रहार सेकेण्ड बारमा लाग्दै बाहिरियो। २५ औँ मिनेटमा पुलिसका निर कुमार राईको कर्नरमा सन्तोष हेमरनको हेडर पोष्ट माथिबाट बाहिरियो।
दोस्रो हाफमा दुवै टोलीले केही अवसर पाएपनि त्यसलाई सदुपयोग गर्न सकेनन्। ७१ औँ मिनेटमा बीबीसीका दिपेश गुरुङको फ्रिकिक पोष्ट माथिबाट बाहिरियो। दोस्रो हाफको ४२ औँ मिनेटमा सुमन लामाको फ्रिकीक किपरले पन्च गर्दै बचाए।
जारी लिगमा पुलिसको यो चौथो बराबरी हो। बराबरीसँगै पुुलिस ७ अंकमा ११औं स्थानमा यथावत छ। ८ खेलमा १ मा जित, ४ खेलमा बराबरी र ३ खेलमा हार भोगेको छ।
बिबिसीले भने तेस्रो खेलमा बराबरीको नतिजा निकालेको हो। बीबीसीले एक खेलमा जित, ३ मा बराबरी र ४ खेलमा हार भोग्दै ६ अंक बनाएको छ। टोली १२ औं स्थानमा छ ।
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
May 1, 2024
एजेन्सी – युरोपेली च्याम्पियन्स लिग अन्तर्गत दोस्रो सेमिफाइनलको पहिलो लेगमा आज राती बोरुसिया डर्टमुण्ड र पेरिस सेन्ट जर्मान (पिएसजी) भिड्दै छन् । राती १२:४५ बजे सुरु हुने खेल डर्टमुण्डको घरेलु मैदान सिग्नल इडुना पार्कमा सुरु हुनेछ । यी दुवै टोली यसै सिजन च्याम्पियन्स लिगको एकै समूहमा रहेका थिए । समूह चरणको दुई खेल मध्य एक […]
May 1, 2024
ललितपुर (हाम्रो खेलकुद) – आयोजक गोदावरी नगरपालिका र काठमाडौं महानगरपालिका गोदावरीमा अन्तर पालिका खुल्ला मेयर कप फुटबल प्रतियोगिताको क्वार्टरफाइनलमा प्रवेश गरेका छन् । गोदावरी १० टाहाखेल–झ्यालुन्टारस्थित प्रस्तावित गोदावरी बहुउद्देश्यीय रंगशालामा बुधबार ललितपुर महानगरपालिकालाई पेनाल्टी सुट आउटमा ५–३ ले हराउँदै गोदावरी बि अन्तिम आठमा पुगेको हो । अर्को खलमा काठमाडौं महानगरपालिकाले बुढानिलकण्ठ नगरपालिकालाई पेनाल्टी सुटआउटमा ४–२ […]