default_image

2 years ago

January 16, 2022

मछिन्द्रको एएफसी कप छनोटको ड्र भोली

काठमाडौं (हाम्रो खेलकुद) – सहिद स्मारक ए डिभिजन लिगको शीर्षस्थानमा रहेको मछिन्द्र क्लबले एसियाली फुटबलको क्लब प्रतियोगिता एएफसी कप छनोटमा नेपालको प्रतिनिधित्व गर्दैछ । एएफसी कप छनोटको ड्र सोमबार हुँदैछ । लिगको सातौं चरणको समाप्तिमा शीर्ष स्थानमा रहने टोलीले एएफसी कप छनोटमा नेपालको प्रतिनीधित्व गर्ने प्रावधान रहेकोमा मछिन्द्रले सो अवसर प्राप्त गरेको थियो । लिगमा […]

202 views

0 Bookmark

काठमाडौं (हाम्रो खेलकुद) – सहिद स्मारक ए डिभिजन लिगको शीर्षस्थानमा रहेको मछिन्द्र क्लबले एसियाली फुटबलको क्लब प्रतियोगिता एएफसी कप छनोटमा नेपालको प्रतिनिधित्व गर्दैछ । एएफसी कप छनोटको ड्र सोमबार हुँदैछ ।

लिगको सातौं चरणको समाप्तिमा शीर्ष स्थानमा रहने टोलीले एएफसी कप छनोटमा नेपालको प्रतिनीधित्व गर्ने प्रावधान रहेकोमा मछिन्द्रले सो अवसर प्राप्त गरेको थियो । लिगमा एकमात्र अपराजित टोलीको रुपमा शीर्षस्थानमा रहेको मछिन्द्रले ९ खेलमा २३ अंक जोडेको छ । यसक्रममा टोलीले ७ जित र २ बराबरीको नतिजा निकालेको हो ।

मछिन्द्र क्लबको इतिहासमा पहिलो पटक एएफसीको आधिकारिक मान्यता प्राप्त क्लब प्रतियोगिता खेल्दैछ । मछिन्द्रले समूह चरणमा स्थान पक्का गर्न छनोटको तीन चरण पार गर्नुपर्नेछ । सुरुवाती चरणमा मछिन्द्रले भुटानको पारो एफसी, माल्दिभ्सको क्लब भ्यालेन्सिया वा श्रीलंकाको ब्लु स्टारमध्य एक टोलीसँग खेल्नेछ । उक्त खेल चैत २२ गते हुने तालिका रहेको छ ।

त्यसपछि यस चरणको विजेताले अर्को चरणमा भारतको एटिके मोहन बगान वा बंगलादेशको अबहानी लिमिटेड ढाकामध्य एक टोलीको सामना गर्नेछ । यो खेल चैत २९ गते हुनेछ । यस खेलमा जित हासिल गरे प्लेअफम मछिन्द्रले अर्को छनोट खेलको विजेतासँग समूह चरणमा पुग्न प्रतिस्पर्धा गर्नुपर्नेछ । उक्त खेल वैशाख ६ गते हुनेछ ।

मछिन्द्रले समूह चरणमा स्थान बनाउन सके भारतको गोकुलम केराला, बंगलादेशको बसुन्धारा किंग्स र माल्दिभ्सको माजियासँग प्रतिस्पर्धा गर्नेछ । राष्ट्रिय टोलीका कप्तान किरण चेम्जोङले यस सिजन माजियाबाट खेल्दैछन् । उनको टोली गत सिजनको लिग च्याम्पियनको हैसियतमा सिधै समूह चरणमा स्थान बनाउन सफल रहेको हो ।

दक्षिण एसियाली राष्ट्रमा एएफसी क्लब वरीयता अंक अनुसार भारत, बंगलादेश र माल्दिभ्सले सिधै समूह चरणमा स्थान बनाएका छन् । नेपाल, श्रीलंका र भुटानको अंक कम रहकाले छनोट चरण खेल्नुपर्ने बाध्यता छ । एएफसी कपमा राम्रो प्रदर्शन गरेमात्र यो अंक बढ्छ । त्यसैले मछिन्द्रको प्रदर्शनसँग नेपालको भविष्यको सहभागिता पनि जोडिएको छ ।

नेपालबाट मनाङले पछिल्लो पटक लिग च्याम्पियनको हैसियतमा २०१९ मा एएफसी कपको समूह चरणमा प्रतिस्पर्धा गरेको थियो । गत संस्करणबाट भने नेपालको टोलीले एएफसी कपको छनोट खेल्नुपर्ने भएको छ ।

त्यसअघि मनाङले २००६ र २०१४ को एएफसी प्रेसिडेन्ट्स कपमा देशको प्रतिनिधित्व गरेको थियो । थ्री स्टार, नेपाल पुलिस क्लब र एनआरटीले पनि प्रेसिडेन्टस कपमा नेपालको प्रतिनिधित्व गरेका छन् । सन् २००६ मा समूह चरणबाट बाहिरिएको मनाङ २०१४ मा भने अन्तिम चरणमा पुगेको थियो । त्यसअघि १९८८ मा मनाङले एसियन क्लब च्याम्पियनसिपको छनोट चरण खेलेको थियो ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.