2 years ago
January 17, 2022
काठमाडौं (हाम्रो खेलकुद) – दोस्रो हाफमा मिडफिल्डर दर्शन गुरुङको दुई गोल सहयोगमा न्युरोड टिम (एनआरटी) ले कतार एअरवेज सहिद स्मारक ‘ए’ डिभिजन लिगमा जावलाखेल युथ क्लबलाई पराजित गरेको छ । एनआरटीले जावलाखेललाई २–० ले पराजित गरेको हो । त्रिपुरेश्वरस्थित दशरथ रंगशालामा सोमबार भएको प्रतिस्पर्धात्मक खेलको पहिलो हाफमा जावालाखेल हावी भएपनि दोस्रो हाफमा एनआरटीले सृढृढ खेल […]
काठमाडौं (हाम्रो खेलकुद) – दोस्रो हाफमा मिडफिल्डर दर्शन गुरुङको दुई गोल सहयोगमा न्युरोड टिम (एनआरटी) ले कतार एअरवेज सहिद स्मारक ‘ए’ डिभिजन लिगमा जावलाखेल युथ क्लबलाई पराजित गरेको छ । एनआरटीले जावलाखेललाई २–० ले पराजित गरेको हो ।
त्रिपुरेश्वरस्थित दशरथ रंगशालामा सोमबार भएको प्रतिस्पर्धात्मक खेलको पहिलो हाफमा जावालाखेल हावी भएपनि दोस्रो हाफमा एनआरटीले सृढृढ खेल पस्कदै गोल गर्न सफल हुदा जित निकाल्न सफल भयो ।
नवौ मिनेटमा ओनगुना जुनियरको पासमा रुप बहादुर लामाको पेनाल्टी बक्सबाहिरको सशक्त प्रहार आकासिदा जावलाखेल अग्रता लिनबाट चुक्यो । १३औं मिनेटमा दर्शन गुरुङले सुवर्ण अवसर पाएपनि चुकाउँदा न्युरोड टिम (एनआरटी) अग्रता लिनबाट चुक्यो । बिशाल तामाङको पासमा क्रिटिश रत्न छुन्जुको चलाखीपुर्ण पासमा दर्शन वान भर्सेस वानकै अवस्थामा चुकेका थिए ।
पहिलो हाफको इन्ज्युरी समयको थप गरिएको दोस्रो मिनेटमा रुप बहादुरकै प्रहार पहिलो बार च्याप्दै बाहिरिदा जावलाखेलले अग्रता लिन सकेन । लगत्तै सुरज ज्यु ठकुरीको क्रसमा गौरव श्रेष्ठको हेडरलाई एनआरटीका गोलरक्षक अजित प्रजापतिले सहजै नियन्त्रणमा लिए ।
५३औं मिनेटमा स्टेफन समिर विनोङको एकल प्रयासको प्रहार पहिलो बारबाट थोरै बाहिरिदा एनआरटी अग्रता लिनबाट चुक्यो । ६७औ मिनेटमा निकोलस फर्नान्डेसको पासमा रुप बहादुर लामाको पेनाल्टी बक्सभित्रको फ्रि हेडर आकासिदा जावलाखेल चुकचुकायो ।
६९औं मिनेटमा दर्शन गुरुङले गोल गर्दै एनआरटीलाई १–० को अग्रता दिलाए । उनले स्टेफन समिरको पासमा अफसाइड बिट ट्याप गर्दै गोल गर्न सफल भएका थिए ।
७३औं मिनेटमा दर्शन गुरुङले गोल गर्दै एनआरटीको अग्रता दोब्बर पारे । उनले स्टेफन समिरले दिएको लो क्रसमा दिपेन्क राज सिहंको कमजोर डिफेन्सको फाइनल उठाउँदै दर्शनले वान चटमा गोल गर्न सफल भएका थिए । ८५औं मिनेटमा रुप बहादुर लामाको फ्रिकिकलाई गोलरक्षक अजितले पञ्च गर्दै बचाउँदा जावलाखेल अग्रता कम गर्नबाट चुक्यो ।
जितसँगै एनआरटी ९ खेलबाट १३ अंक जोडेर छैटौं स्थानमा उक्लिएको छ । पराजित जावलाखेल ९ खेलबाट ८ अंक जोडेर १०औं स्थानमा यथावत रहेको छ ।
March 19, 2024
काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]
March 18, 2024
काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]
March 18, 2024
एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो । दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]