लन्डन (एजेन्सी)– सर्जियो अगुइरोको दुई गोलमा म्यानचेस्टर सिटीले प्रिमियर लिगमा शनिबार बर्नलीलाई २–१ ले हराएको छ । पेप ग्वार्डिओलाको टोली खेलमा पछि परेर पनि नतिजा उल्टाउन सफल भएको थियो ।

डियन मार्नेको गोलमा १४ औं मिनेटमा बर्नलीले अग्रता लिएको थियो । तर पहिलो हाफर्म अगुइरोले बराबरी गोल फर्काए । कर्नरमा आएको बलमा हुलमुलका बीचबाट उनले ३७ औं मिनेटमा पहिलो गोल गरेका थिए । खेलको एक घन्टामा अगुइरोले अर्को गोल गरे र त्यहि गोल खेलको निर्णायक बन्यो । फर्नाडिन्होको क्रसमा उनले दोस्रो गोल गरेका हुन् । जितसँगै ३० अंक पुर्याएको सिटी शीर्षस्थानमा उक्लेको छ । दोस्रो स्थानमा झरेको चेल्सीले आजै टोटेनह्यामसँग प्रतिपस्र्धा गर्दैछ । चेल्सीको २८ अंक र टोटेनह्यामको २४ अंक छ ।