क्रीस्टियानो रोनाल्डोको पहिलो हाल्फको दुइ गोलले रियल मड्रीडिले खेलको प्रारम्भिक समयमा दुइ गोलको अग्रता लिएको थियो ।

लुकास भाज्कुइजको चौथो मिनेटको फौलमा पाएको पेनाल्टिलाई सदुपयोग गर्दै रोनाल्डोले मड्रीडलाई अग्राता दिलाएका थिए । त्यस्तै १८औ मिनेटमा नाचोको राम्रो क्रसलाई हेड मार्फत जाली चुमाउदै रोनाल्डोले मड्रीडलाई दोस्रो गोल पनि दिलाए ।

३५ मिनेटमा कार्लोस कार्मोनले गोल गर्दै स्पोर्टिङ गिजोनलाई खेलमा फर्काए । त्यस्तै अन्तिम तिर मड्रीडबाट अंक खोस्ने मौका गुमाउदै डुजे कोपले पेनाल्टी मार्फत गोल गर्ने अवसर गुमाएपछी मड्रीडले ला लिगामा लगातार छैटौ जित दर्ता गरेको हो ।

अंक तालिकामा पहिलो स्थानमा रहेको मड्रीड लगातार ३१ खेलमा हारेको छैन । जिदानको पालाको यो हारबिहिन यात्रा क्लबको रेकर्ड हो । यसघी एन्सेलोटिको बेलामा मड्रीड ३१ खेलमा हारबिहिन यात्रा कायम गर्न सफल भएको थियो ।