म्यानचेस्टर (एजेन्सी)– म्यानचेस्टर युनाइटेडले प्रिमियर लिगमा अर्को बराबरी खेलेको छ । युनाइटेडले घरेलु मैदानमा आइतबार वेस्ट ह्याम युनाइटेडसँग १–१ को बराबरी खेलेको थियो ।
युनाइटेडले सेप्टेम्बर २४ यता घरेलु मैदानमा जित निकाल्न सकेको छैन । आफ्नै मैदानमा युनाइटेडको यो लगातार चौथो बराबरी हो । याल्टान इब्राहिमोविचले युनाइटेडलाई फेरि एक पटक हारबाट जोगाएका छन् । उनले २१ मिनेटमा बराबरी गोल गरेका थिए । त्यसअघि दोस्रो मिनेटमा नै वेस्ट ह्यामले डारिफा साकोको गोलमा अग्रता लिएको थियो । बराबरीपछि २० युनाइटेड छैटौं स्थानमा यथावत छ । पाँचौं स्थानको टोटेनह्यामभन्दा युनाइटेड ४ अंकले पछाडी छ । १२ अंकसहित वेस्ट ह्याम १६ औं स्थानमा छ । आइतबारको अर्को खेलमा चार्लिन अस्टिनको गोलमा साउथह्याम्टनले एभर्टनलाई १–० ले हराएको छ ।
प्रिमियर लिगमा १३ चरणको चेल सकिँदा चेल्सी ३१ अंकसहित शीर्षस्थानमा छ भने समान ३० अंक जोडेका लिभरपुल दोस्रो र म्यानचेस्टर सिटी तेस्रो स्थानमा छ । आइतबार ब्रोनमाउथमाथि ३–१ को जित निकालेको आर्सनल २८ अंकसहित चौथो स्थानमा छ । एभर्टन (१९) सातौं र साउथह्याम्टन (१७) दसौं स्थानमा छ ।
