2 years ago
February 12, 2022
काठमाडौ (हाम्रो खेलकुद)– च्यासल युथ क्लबविरुद्ध शनिबार सहिद स्मारक ए डिभिजन लिग खेल्दा टाउकोमा चोट लागेर घाइते भएपछि मछिन्द्र फुटबल क्लबका मनीष डाँगीको केहि समय होश गुमेको प्रशिक्षक प्रवेश कटुवालले बताएका छन् ।
‘अफिसियलले मैदानमा जान त पाइन्न । मैले सुने अनुसार उनको घाइते हुँदा उनको होस थिएन । रगत पनि आएको थियो भन्ने सुने ,’ उनले भने,‘ तर, उनको दात जोडिन नदिन सबैले मेहनत गरे। यानिकसहित विपक्षी टोलीका खेलाडीलाई पनि धन्यवाद दिन चाहन्छु ।’
मनीषलाई उपचारका लागि दशरथ रंगशाला नजिक ब्लु क्रस अस्पताल लगिएको र उनको होस आइसकेको पनि प्रशिक्षक कटुवालले पोष्ट म्याच कन्फ्रेन्समा जानकारी दिए । ‘मनीषलाई होस आएको छ। सिटी स्क्यान भयो । रिपोर्ट आउँन बाँकी छ,’ उनले भने,‘ रिपोर्ट आएपछि मात्र उनको वास्तविक अवस्था भन्न सकिएला । ’
च्यासलविरुद्धको खेलको ६५ औं मिनेटमा मनीष घाइते भएर ढलेपछि उपचारका लागि एम्बुलेसनमा राखेर अस्पताल लगिएको थियो । हेड गरेर बल लिनका लागि जम्प गर्दा विपक्षी खेलाडीको प्रहारबाट उनी ढलेका थिए । ६५औं मिनेटमा बल खोस्ने क्रममा च्यासलका यान्निक केट्चाको प्रहार मनीषको टाउकोको पछाडि भागमा लागेको थियो । त्यसपछि मैदानमा ढलेको मनीषको मैदानमै समान्य उपचारपछि अस्पताल लगिएको थियो । त्यो घटनामा झन्डै ९ मिनेट खेल रोकिएको थियो । मनिष ६१औं मिनेटमा सुनिल बलको स्थानमा मैदान प्रवेश गरेका थिए ।
मछिन्द्रका फिजियोथेरापिष्ट सुरज भुषालका अनुसार मनीषको टाउको चोट (कनकसन) हो । दुई खेलाडी ठोक्किदा उनको टाउकोमा चोट लागेको छ । त्यसमा उनी झण्डै ५ देखि ७ मिनेट अचेत भए । हामीले गर्ने सामान्य उपचार गर्यौं, उनले भने,‘एन्फाको मेडिकल टोली, एकजना डाक्टर पनि हुनुहुन्थ्यो । होस खुलेपछि मनीषले मलाई के भयो भनेर पनि सोधे । आत्तिनु पर्ने छैन भने हौसला बढाउन कोशिस गरौं । त्यसपछि अस्पताल पठाएका हौं । अहिले उनको स्थिर रहेको छ।
लिगमा मेडिकल टोलीको उचित व्यवस्थापन भने नदेखिएको प्रशिक्षक कटुवालले गरे । ‘मेडिकल व्यवस्थापन राम्रो देखिएन । युरो कपमा इरिक्सनको घाइते भएको घटना हामीले देखेका छौं । त्यस्ता धेरै घटना भएका छन्,’ उनले भने,‘ देशकै ठूलो ए डिभिजन लिगमा मेडिकल व्यवस्थापन चुस्त देखिएन । मैले सुनेको एन्फाकै मान्छे डक्टर खोज्दै थिए । पछि हाम्रो टोलीका समर्थक दर्शक दिर्घामा बसिरहेका डाक्टर प्रदीप मैदान जानु भएको थियो ।’ अखिल नेपाल फुटबल संघ (एन्फा) को व्यवस्थापनलाई लिएर फेरि प्रश्न उठेको छ ।
May 20, 2024
एजेन्सी – अर्जेन्टिनी फुटबल एसोसिएसन (एएफए) ले आउँदो कोपा अमेरिकाका लागि सार्वजनिक गरेको प्रारम्भिक अर्जेन्टिना टोलीमा स्टार खेलाडी पाउलो डिबाला पर्न असफल भएका छन् । इटालियन टोली रोमामा आवद्ध उनी २९ जनाको प्रारम्भिक टोलीमा समेत रहन असफल रहे । डिबालाले यस सिजन रोमाका लागि ३८ खेलमा १६ गोल गरेका छन् । लिगको छैठौं स्थानमा रहेको […]
May 20, 2024
एजेन्सी – नर्वेली फरवार्ड अलेक्जेन्डर सोर्लाेथले ह्याट्रिकसहित चार गोल गरेपछि भिल्लारियलले यो सिजनको ला लिगाको च्याम्पियन बनिसकेको रियल म्याड्रिड बराबरीमा रोक्न सफल भएको छ । खेलमा आरामदायी अग्रता लिएपनि त्यसलाई जोगाउन नसक्दा र सोर्लाेथ एक्लैले चार गोल गरेपछि रियल म्याड्रिड घरेलु टोली भिल्लारियलसँग ४–४ गोलको बराबरीमा रोकिएको हो । गोलको वर्षा भएको खेलमा रियलका अर्दा […]
May 19, 2024
एजेन्सी – म्यानचेस्टर युनाइटेडले २०२३/२४ इंग्लिश प्रिमियर लिग सिजनको अन्त्य आठौं स्थानमा रहँदै गरेको छ । सिजनभर राम्रो लय समात्न नसकेको युनाइटेडले लज्जास्पद सिजनको अन्त्य आठौं स्थानमा गरेको हो । लिग सिजनको अन्तिम खेलमा युनाइटेडले ब्राईटन विरुद्ध २-० को जित हासिल गर्यो । युनाइटेडको जितमा डियोगो डालोट र रास्मस होईल्याण्डले एक-एक गोल गरे । युनाइटेडले […]