default_image

2 years ago

February 12, 2022

मनाङ र थ्री स्टारको रोमाञ्चक बराबरी

115 views

0 Bookmark

काठमाडौं (हाम्रो खेलकुद) – मनाङ–मर्स्याङ्दी क्लब र रुस्लान थ्री स्टार क्लबले कतार एअरवेज सहिद स्मारक ‘ए’ डिभिजन लिगमा रोमाञ्चक बराबरी खेलेका छन् । मनाङ र थ्री स्टारले १–१ गोलको रोमाञ्चक बराबरी खेलेको हो ।

त्रिपुरेश्वस्थित दशरथ रंगशालामा शनिबार भएको खेलमा मनाङका दयानन्द सिंहले गोल गर्दा थ्री स्टारका ऋतिक कुमार खड्काले बराबरी गोल फर्काए । मनाङले अग्रता जोगाउन नसक्दा थ्री स्टारसँग बराबरीमा रोकिन पुग्यो ।

खेलको दोस्रो मिनेटमा अन्जन विष्टको फ्रिकिकलाई थ्री स्टारका गोलरक्षक प्रिसोले सहजै बचाए । आठौं मिनेटमा रुपेश केसीको प्रहार पोस्ट नजिकैबाट थोरै बाहिरियो । १६औं मिनेटमा हेमन्त थापामगरको पासमा अन्सुमाना क्रोमाहको पेनाल्टी बक्सबाहिरको प्रहार दोस्रो बार च्याप्दै थोरै बाहिरियो ।

२८औं मिनेटमा आयुष घलानको क्रसलाई मनाङका गोलरक्षक अशोक बरालले पञ्च गर्दे बचाए । ३२औं मिनेटमा हेमन्तको क्रसमा सन्जोक राई चुके । ४१औं मिनेटमा ओलावाले ओलाडिपो अफिजले सुवर्ण अवसर पाएपनि उनको प्रहार दोस्रो बार च्याप्दै थोरै बाहिरिदा मनाङ अग्रता लिनबाट चुक्यो ।

४८औं मिनेटमा सब्सिच्युट विमल रानाको क्रसमा प्रिसोले बल भेट्नुअघि नै ओलावालेको प्रहार आकासिदा मनाङ अग्रता लिनबाट चुक्यो । लगत्तै ४९औं मिनेटमा आयुष घलानको क्रसलाई मनाङका डिफेन्डरले राम्ररी क्लियर गर्न नसकेको बलमा ऋतिक कुमार खड्काको सशक्त प्रहारलाई गोलरक्षक अशोकले पञ्च गर्दै बचाउँदा थ्री स्टारले पनि अग्रता लिन सकेन ।

६२औं मिनेटमा दयानन्द सिंहले मैदान प्रवेश गरेको पहिलो मिनेटमा गोल गर्दै मनाङलाई १–० को अग्रता दिलाए । पुजन उपरकोटीको स्थानमा ६१औं मिनेटमा मैदान प्रवेश गरेका दयानन्दले कप्तान अन्जन विष्टको पासमा हेडले जाली चुम्दा प्रिसले बचाउने प्रयास गरेपनि सफल हुन सकेन ।

७१औं मिनेटमा ऋतिक कुमार खड्काले गोल गर्दै खेललाई १–१ गोलको बराबरीमा ल्याए । सन्जोक राई, ऋतिक र अन्सुमाना क्रोमाहको समन्वयमा बनेको मुभमा ऋतिको पेनाल्टी बक्सबाहिरको प्रहार पोलमा लाग्दै गोलमा परिणत भएको थियो । त्यसपछि थप गोल निस्कन नसक्दा खेल बराबरीमा टुंगियो ।

यो बराबरीले अंक तालिकामा कुनै परिवर्तन नहुदा शीर्षस्थानको मछिन्द्र फुटबल क्लबलाई प्रत्यक्ष फाइदा भएको छ । मनाङ २० अंक जोडेर दोस्रो स्थानमा रहँदा थ्री स्टार १७ अंक जोडेर चौथो स्थानमा यथावत रहेको छ ।

यो बराबरीले लिगमा तीन चरणको खेल बाँकी रहँदा मछिन्द्रले ६ अंकको स्पष्ट अग्रता लिन सफल भएको छ । मछिन्द्रले शनिबारै च्यासल युथ क्लबलाई २–० ले हराउँदै लिगमा अपराजित रहन सफल भएको छ ।

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

June 14, 2024

दोस्रो चरणमा २५ खेलाडी छनोट

काठमाडौं (हाम्रो खेलकुद)– अखिल नेपाल फुटबल संघ (एन्फा) ले नेपाली महिला राष्ट्रिय फुटबल टोलीका लागि दोस्रो चरणमा २५ खेलाडी छनोट गरेका छन् । मुख्य प्रशिक्षक राजेन्द्र तामाङले प्रारम्भिक चरणमा रहेका ३० खेलाडीबाट ५ खेलाडी कटौती गर्दै दोस्रो चरणमा २५ खेलाडी छनोट गरेका हुन् । प्रशिक्षणबाट सुशीला कुमारी चौधरी, सबिना चौधरी, गंगा गुरुङ, ममता पुन र […]

Success

Thank you for your time.