7 years ago
November 28, 2016
काठमाडौ (हाम्रो खेलकुद)– आहा रारा गोल्डकपमा भाग लिनका लागि अमेरिकामा नेप्लिज अमेरिकन सरक टिम बनाउने तयारी सुरु भएको छ । नेप्लिज अमेरिकन टिमको तयारीका लागि पुस २ गते वासिङटन डिसीमा खेलाडी छनोट हुँदैछ । रोड टु आहा रारा गोल्डकप २०७३ र राष्ट्रिय टोलीसँग च्याराटी खेलका लागि ओपन ट्राइआउट राखिएको पर्चामा उल्लेख गरिएको छ । अमेरिकामा […]
काठमाडौ (हाम्रो खेलकुद)– आहा रारा गोल्डकपमा भाग लिनका लागि अमेरिकामा नेप्लिज अमेरिकन सरक टिम बनाउने तयारी सुरु भएको छ ।
नेप्लिज अमेरिकन टिमको तयारीका लागि पुस २ गते वासिङटन डिसीमा खेलाडी छनोट हुँदैछ । रोड टु आहा रारा गोल्डकप २०७३ र राष्ट्रिय टोलीसँग च्याराटी खेलका लागि ओपन ट्राइआउट राखिएको पर्चामा उल्लेख गरिएको छ । अमेरिकामा रहेका नेपाली टोलीका पूर्व खेलाडी उमेश प्रधान, विनोद खरेल, रुस्लान थ्री स्टारका पूर्व प्रशिक्षक प्रदीप हुमागाई र सुरज थापा रहेको प्राविधिक समितिले खेलाडी छनोट गर्ने बताइएको छ ।
प्रधानले खेलाडी छनोट र टिम लिएर पोखरा जान प्रस्ताव आएको हाम्रो खेलकुदलाई बताए । उनले खेलाडी छनोटका लागि उपलब्ध हुने भएपनि नेपाल आउने टुंगो नलागेको बताए । आहा रारा गोल्डकपको आयोजक सहारा क्लबका अध्यक्ष वीरभद्र आचार्यले अमेरिकाबाट भाग लिनका लागि अनौपचारिक प्रस्ताव आएको जानकारी दिए । उनले भने,‘ औपचारिक प्रस्ताव त आइसकेको छैन । तर पनि अमेरिकाबाट नेपाली खेलाडी सम्मिलित टोली आउन इच्छुक छ भने त्यो स्वागत योग्य छ,’ उनले भने,‘त्यसका लागि स्तरीय टोली आइदियोस् भन्ने हाम्रो चाहना हो । त्यो हुँदा पोखरेली दर्शकले स्तरीय फुटबल हेर्ने अवसर पाउनेछन् ।’
आहा रारा गोल्डकपको १४ औं संस्करण माघको पहिलो साता आयोजना गर्ने क्लबले केही दिन अघि सार्वजनिक गरेको थियो । नेप्लिज अमेरिकन टोलीका संयोजक चन्द्र लामाले राष्ट्रिय टोलीसँग मैत्रीपूर्ण खेलका लागि प्रस्ताव गरेको अखिल नेपाल फुटबल संघ (एन्फा) का अध्यक्ष नरेन्द्र श्रेष्ठले बताए । श्रेष्ठले भने,‘सामान्य कुराकानी भएको छ । तर राष्ट्रिय टोलीसँगै मैत्रीपूर्ण खेल्ने विषयमा अहिले भन्न सकिने अवस्था छैन । त्यति बेला खेलाडीहरु मोफसलकै प्रतियोगिताहरुमा व्यस्त रहन सक्छन् ।’
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]