लिभरपुल (अजेन्सि) – लिड्स युनाइटेडसङ २-० को जित दर्ता गर्दै इङ्लिश लिग कपको सेमिफाइनल प्रवेश गर्दा लिभरपुलको लागी बेन वुडबर्नले माइकल ओवेनको रेकर्ड तोडेका छन ।
ओरिगिको गोलमा अग्रता लिएको लिभरपुलले बेन्चबाट आएका वुडबर्नको गोलमा जित सुनिस्चिन गरेको थियो । १७ बर्ष ४५ दिनमा गोल गर्दै वुडबर्नले यसघिको माइकल ओवेनको रेकर्ड तोडेका छन । मे १९९७मा १७ बर्ष १४३ दिन छदा आफ्नो प्रीमियर लिगको पहिलो खेलमा गोल गर्दै लिभरपुलको कान्छा गोलकर्ता रहेका ओवेनको किर्तिमान वुडबर्नले तोडेका हुन ।
वुडबर्नको यो उपलब्धिलाई धेरै प्रचार गरेर अहिले यि युवा खेलाडिमा दबाब सिर्जना नगर्न लिभरपुलका म्यानेजर यर्गन क्लपले सर्वसाधारण तथा मिडियालाई आग्रह गरेका छन ।
