कोलम्बिया (एजेन्सी) – ब्राजिलिय क्लब चापेकोउन्सीका खेलाडी रहेको विमान कोलम्बियामा दुर्घटनाले फुटबलसँग जोडिएका सबै स्तब्ध छन् । कोपा सुदनामेरिका फाइनल खेलको पहिलो लेग खेल्न कोलम्बिया पुग्ने क्रमा विमान दुर्घाटनामा परेपछि ब्राजिलियन क्लबले अधिकांश टोलिनै गुमाएको थियो । अहिले विश्वभरबाट क्लबलाई सहयोग गर्नेहरु इच्छुक देखिएका छन् ।
कतिपय ब्राजिलियन क्लबहरुले सित्तैमा आफ्नु खेलाडी लोनमा खेल्न पठाउने समाचार आइरहेका छन् । यसैबीचमा अन्तराष्ट्रिय सञ्चारमाध्यमले ब्राजिलियन महानखेलाडी मध्येका एक रोनाल्डिन्होले पनि सन्यास फिर्ता लिन सक्ने अनुमान गरेका छन् । सामाजिक सन्जालहरुमा #ronaldinhonachape भनेर समर्थकहरुले रोनाल्डिन्हो लाई आग्रह गरे पछि उनी चापेकोउन्सीबाट खेल्न सक्ने सनले जनाएको छ । सन् २०१५ मा फ्लुमिनेन्सबाट औपचारिकरुपमा सन्यास लिएपछि रोनाल्डिन्होले मैत्रीपूर्ण खेलबाहेक कुनै खेल खेलेका छैनन् ।
