1 year ago
March 23, 2023
प्रकाश तिमल्सिना, काठमाडौं स्वदेशमा आयोजना भएको १३ औं दक्षिण एसियाली खेलकुद (साग) मा नेपाली फुटबल टोली (यू-२३) ले स्वर्ण जित्दाका कप्तान सुजल श्रेष्ठले अन्तर्राष्ट्रिय फुटबलबाट सन्यासको घोषणा गरेका छन् । आजनै मछिन्द्र क्लबका सहकर्मी रन्जित धिमालसँग अष्ट्रेलिया जाने तयारीमा रहेका सुजलले सन्यासको लागि सहि समय आएको बताएका छन् । ‘हरेक खेलाडीको एउटा समय हुन्छ । […]
प्रकाश तिमल्सिना, काठमाडौं
स्वदेशमा आयोजना भएको १३ औं दक्षिण एसियाली खेलकुद (साग) मा नेपाली फुटबल टोली (यू-२३) ले स्वर्ण जित्दाका कप्तान सुजल श्रेष्ठले अन्तर्राष्ट्रिय फुटबलबाट सन्यासको घोषणा गरेका छन् ।
आजनै मछिन्द्र क्लबका सहकर्मी रन्जित धिमालसँग अष्ट्रेलिया जाने तयारीमा रहेका सुजलले सन्यासको लागि सहि समय आएको बताएका छन् । ‘हरेक खेलाडीको एउटा समय हुन्छ । आफ्नो समयमा खेल्ने र समय आएपछि विश्राम लिनु उपयुक्त हुन्छ,’ सुजलले हाम्रो खेलकुदसँग भने,‘अब म भन्दा राष्ट्रिय टोलीबाट खेल्ने नयाँ पुस्ताका भाईहरु आइसकेका छन् । उनीहरुका लागि पनि मैले ठाँउ छाड्नु उपयुक्त हुन्छ भन्ने लाग्छ ।’
अष्ट्रेलियामा बेनी एफसीबाट खेल्ने जाने तयारीमा रहेका सुजलले फर्केर स्वदेशमा क्लब फुटबललाई निरन्तरता दिने सम्भावना पनि रहेको बताए । ‘परिवारको यादले उता बस्ने अवस्था भएन भने फर्केर आउँछु,’ गत वर्ष फागुनमा छोरीका बाबु बनेका सुजलले भने,‘त्यो सबै परिस्थितिमा भर पर्छ ।’
अष्ट्रेलिया जाने तय भएपछि औपचारिक रुपमा राष्ट्रिय टोलीबाटै मैदानबाट सन्यास लिने सुझाव आएपनि आफूलाई त्यसरी घोषणा गर्न उपयुक्त नलागेको उनले बताए । ‘व्यक्तिगत रुपमा मैदानबाटै सन्यास घोषणा गर्नुपर्छ भन्ने लागेन। यो मेरो व्यक्तिगत रुची हो । अन्तर्राष्ट्रिय खेलाडीहरुले पनि त्यो अभ्यास गर्छन्,’ उनले भने,‘ सबैले मैदानबाट सन्यासको घोषणा गर्नुपर्छ भन्ने जरुरी छैन ।’
उनले आफ्नो खेल जीवनबाट भने सन्तुष्ट रहेको बताए । ‘मैले राष्ट्रिय टोलीबाट खेल्ने अवसर पाए । जति गर्न सफलता प्राप्त गरे । त्यसमा सन्तुष्ट छु,’ उनले थपे,‘ व्यवासयिक रुपमा देश बाहिर खेल्ने अवसर पाएन भन्ने मात्र रह्यो । बाँकी मलाई केहि गुनासो छैन । ’ राष्ट्रिय टोलीबाट उनले ३७ खेलमा ३ गोल गरेका थिए । एन्फा एकेडेमीका उत्पादन सुजलले सन् २०११ मा भुटानविरुद्धको मैत्रीपूर्ण खेलमा डेब्यू गरेका थिए ।
राष्ट्रिय टोलीको ठूलो सफलताका सदस्य समेत रहेका सुजलले गत वर्ष चोटका कारण मैदान बाहिर रहनु परेको थियो । उनकै कप्तानमा मछिन्द्र फुटबल क्लबले लगातार दुई पटक सहिद स्मारक ए डिभिजन लिगको च्याम्पियन बनेको थियो । त्यसअघि उनले मनाङ मस्याङ्दी क्लबबाट पनि लगातार दुई पटक सहिद स्मारक ए डिभिजन लिग जितेका थिए ।
२०७३ सालमा मलेसियामा राष्ट्रिय टोलीले एएफसी सोलिडारिटी कप च्याम्पियन बन्दा मकाउविरुद्धको फाइनलमा सुजलनै गोल गरेका थिए । तीन वर्षअघि स्वदेशमा भएको १३ औं सागमा उनकै कप्तानीमा नेपालले स्वर्ण पदक रक्षा गरेको थियो । घरेलु फुटबलका सफल खेलाडी मध्ये एक सुजल ए डिभिजन लिगमा लगातार ४ पटक च्याम्पियन बन्ने ३ खेलाडी मध्ये एक हुन् ।
सुजलसँगै विशाल राई र गोलकिपर विशाल श्रेष्ठले मनाङ मर्स्याङ्दी क्लबबाट २ र पछिल्लो दुई पटक मछिन्द्रबाट लिग उपाधि जितेका थिए । मनाङसँग झन्डै एक दशकको यात्राको अन्त्य गर्दै २०७६ मा सुजल मछिन्द्रमा आबद्ध भएको थिए । यसपटक पनि मछिन्द्रका लागि सुजलले उत्कृष्ट प्रदर्शन गर्दै आएका थिए । लिगअघि मोफसलका प्रतियोगितामा लगातार प्लेयर अफ द म्याच भएका उनले लिगमा पनि राम्रो प्रदर्शन गरेका थिए । लिगको अन्तिम खेलमा चोट बोकेपछि उनले राष्ट्रिय टोलीमा पनि समावेश हुन पाएनन् ।
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]