default_image

2 years ago

March 20, 2022

मेस्सी र रामोसबिनाको एल क्लासिको

120 views

0 Bookmark

एजेन्सी – लामो समयपछि एल क्लासिको इस्टाडो सान्टियागो बर्नाबउमा फर्कंदै छ । तर यसपटक पछिल्लो डेढ दशकको भन्दा फरक दृश्य देखिने छ ।

यसपटक सर्जियो रामोस र लिओनल मेस्सी एल क्लासिकोमा हुने छैनन् । रियल म्याड्रिडबाट रामोस र बार्सिलोनाबाट मेस्सीले खेल्दा आ-आफ्नो टोलीबाट प्रभावशाली प्रदर्शन गर्थे । अहिले भने रामोस र मेस्सी दुवै पेरिस सेन्ट जर्मेन (पिएसजी) को टोलीका सहकर्मी छन् ।

मेस्सी र रामोस दुवैले नचाहँदा नचाहँदै क्लब छाड्न परेको थियो । दुवैले क्लब छाड्दा निकै भावुक भएका थिए । रामोसले लामो सम्झौता चाहेका थिए भने मेस्सीले क्लबको कमजोर आर्थिक अवस्थाका कारण छाड्न परेको थियो । अब रामोस फेरि रियल फर्कने सम्भावना भने लगभग असम्भव छ । मेस्सी भने बार्सिलोना फर्कन सक्ने सम्भावना यथावत रहेको विश्वास गरिन्छ ।

पछिल्लो ८ महिना भने मेस्सी र रामोस दुवैले उच्च प्रदर्शन गर्न सकिरहेका छैनन् । चोटका कारण रामोस लामो समय मैदान बाहिर नै रहे । रामोसले भन्दा मेस्सीले बढी खेल खेलेपछि प्रदर्शन भने सोचे जस्तो गर्न सकिरहेका छैनन् ।

रामोस एक वर्षभन्दा लामो समयदेखि चोटका कारण संघर्ष गरिरहेका छन् । बीचमा ५ खेल लगातार खेल्दा भने उनी पुरानै फर्ममा रहेको संकेत गरेका छन् । च्याम्पियन्स लिगको अन्तिम १६ मा रियलविरुद्ध उनले खेल्ने अपेक्षा गरिएपनि अन्ततः उनी खेलेनन् ।

फ्रान्सको माहोलमा मेस्सी पनि अझे घुलमिल हुन सकेका छैनन् । बार्सिलोनामा प्रदर्शन गरे जस्तो मेस्सीले पिएसजीमा खेल्न सकेका छैनन् ।

फर्कन असम्भव

कतिपयले रामोस र मेस्सी आफ्ना पुरानै क्लबमा फर्कने चर्चा पनि गर्ने गरेका छन् । स्पेनका दुई मुख्य शहर देखि भौगोलिक रुपमा फ्रान्सको राजधानीसँग नजिक छ । तर उनीहरु फर्कने विषय भने निकै टाढा रहेको बताइएको छ ।

पिएसजीले आफ्नो दुई स्टारलाई फर्काउन पनि चाहदैन । पिएसजीले यी दुई खेलाडीलाई महत्वका साथ सार्वजनिक गरेको थियो । अझै पनि क्लबले उनीहरु दुवैलाई राख्न चाहन्छ । रामोस र मेस्सी नहुँदा विगतमा जस्तो एल क्लासिको भने रहने छैन ।

July 22, 2024

मछिन्द्र र सातदोबाटोको बराबरी, संकटा र चर्च ब्वाइजले पनि अंक बाँडे

काठमाडौं (हाम्रो खेलकुद) – ललित स्मृति यु-१८ लिग अन्तर्गत सोमबार भएका दुवै खेल बराबरीमा सकिएका छन् । दुवै खेल १-१ को बराबरीमा सकिएको हुन् । एन्फा कम्प्लेक्स सातदोबाटोमा भएको दिनको पहिलो खेलमा मछिन्द्र एफसी र सातदोबाटो युथ क्लबले बराबरी खेले । ६३औं मिनेटमा रोनिक राना मगरको गोलमा लिएको अग्रता पश्चात ७९औं मिनेटमा आदेश लामाले गोल […]

July 21, 2024

चितवन जिल्ला लिगमा एनएफसी र एभरेष्ट विजयी

सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार नारायणी फुटबल क्लब ( एनएफसी) र एभरेष्ट क्लब चितवन विजयी भएका छन्। शारदा नगरको मैदानमा भएको पहिलो खेलमा नारायणीले हर्दी युवा समाजलाई २-१ ले हरायो । नारायणीका‌ सुगम तामाङ र सुरज गुरुङले गोल गरे । हर्दीका सन्तोष थिङले एक गोल गरे । खेलमा […]

July 21, 2024

रेन्जर्सविरुद्ध म्यानचेस्टर युनाइटेड विजयी

एजेन्सी – युरोपियन फुटबल सिजन सुरु हुनुअघिको प्रिसिजनको आफ्नो दोस्रो खेलमा म्यानचेस्टर युनाइटेड विजयी भएको छ । ग्लास्गोमा भएको खेलमा युनाइटेडले स्कटिस टोली रेन्जर्स माथि २-० को जित दर्ता गरेको हो । युनाइटेडका लागि अमाद डियालो र जो हुगिलले गोल गरेका हुन् । ३९औं मिनेटमा बक्सको दायाँभागबाट उत्कृष्ट फिनिस सहित डियालोले सुरुवाती गोल गरेका थिए […]

Success

Thank you for your time.