2 years ago
March 26, 2022
सुनिल गाउँले, सिमरा विजय युथ क्लब हेटौडालाई पराजित गर्दै ए डिभिजन टोली न्युरोड टिम (एनआरटी) जगदम्बा १२औं जीतपुरसिमरा गोल्डकपको सेमिफाइनलमा पुगेको छ । सिमरा रंगशालामा शनिबार भएको खेलमा एनआरटीले विजय युथलाई ३–१ ले हराएको थियो । एनआरटीको जितमा मेसुके ईहिनी अलोमोले दुई र स्टेफेन समिरले एक गोल गरे । विजय युथका लागि विमल राना मगरले […]
सुनिल गाउँले, सिमरा
विजय युथ क्लब हेटौडालाई पराजित गर्दै ए डिभिजन टोली न्युरोड टिम (एनआरटी) जगदम्बा १२औं जीतपुरसिमरा गोल्डकपको सेमिफाइनलमा पुगेको छ । सिमरा रंगशालामा शनिबार भएको खेलमा एनआरटीले विजय युथलाई ३–१ ले हराएको थियो ।
एनआरटीको जितमा मेसुके ईहिनी अलोमोले दुई र स्टेफेन समिरले एक गोल गरे । विजय युथका लागि विमल राना मगरले गोल गरेका थिए ।
निर्धारित समय १–१ को बराबरीपछि थपिएको समयमा एनआरटीले जित निकालेको थियो । खेलमा लिएको सुरुवाती अग्रता जोगाउन नसक्दा हेटौडा प्रतियोगिताबाट बाहिरिन पुगेको छ ।
खेलको १८औं मिनेटमा अमिर श्रेष्ठको पासमा विमलले हेडमार्फत गोल गर्दै टिमलाई अग्रता दिलाएका थिए । अमिरको उत्कृष्ट पासको सदुपयोग गरेका विमलको प्रहारलाई एनआरटीका गोलरक्षक प्रदीप भण्डारीले ठम्याउन सकेनन् । प्रतिस्पर्धात्मक खेलको २१औं मिनेटमा एनआरटीका लागि मेसुकेले गोल फर्काएका थिए । विशाल तामाङको क्रसलाई मेसुकेले गोल गरेका थिए ।
झण्डै ४ हजार दर्शकको उपस्थिती रहेको रंगशालामा दुवै टोलीले टिमले उत्कृष्ट खेल पस्किए । खेलको २३ औं मिनेटमा हेटौडाका अमिरको फ्रिकिक प्रहार क्रसबारबाट बाहिरिन पुगेको थियो । ४३औं मिनेटमा विजय युथका लागि मार्टिनले गोल गरेपनि रेफ्रि नविन्द्र महर्जनले अफसाईड घोषित गरेका थिए ।
त्यसअघि खेलको २१औं मिनेटमा एनआरटीले गरेको गोल पनि अफ साइड लिइएको थियो । एनआरटीका लागि आन्द्र थेरीले गोल गरेपनि उक्त गोलले मान्यता पाएन । एनआरटीले खेलको ६०औं मिनेटमा गोल गर्ने राम्रो अवसर खेर फाल्यो । मेसुकेले पेनाल्टी बक्स बाहिरबाट प्रहार गरेको फ्रिकिक बललाई हेटौडाका गोलरक्षक अशोक बरालले बचाउ गरेपनि नियन्त्रणमा लिन नसक्दा एनआरटीका दीपेश घलेले अवसर प्राप्त गरे । तर दीपेश पनि गोल गर्न चुके । उनको प्रहार क्रसबारमा लागेर फर्कियो ।
खेलको ६६औं मिनेटमा हेटौँडाका गौरव श्रेष्ठले विशाललाई फाउल गरेपछि एनआरटीले पेनाल्टी बक्स बाहिर फ्रिकिक प्राप्त गरेको थियो । एनआरटीका रन्जन बिष्टले गरेको उक्त फ्रिकिक बललाई विजय युथका गोलकिपर अशोकले रोके । थप समयको पहिलो मिनेटमै एनआरटीले खेलमा अग्रता लियो । एनआरटीका मेसुकेको गोलबाट एनआरटीले अग्रता लिएको थियो ।
त्यो गोलपछि हेटौडा दबाबमा परेको थियो । थप समयको २५ औं मिनेटमा गोलअन्तर फराकिलो पा¥यो । वन भर्सेस वनको अवसर पाएका स्टेफेनले गोल गर्दै एनआरटीको जितलाई सहज बनाएका थिए । मेसुके खेलको म्यान अफ दी म्याच भए र उनले ५ हजार रुपैयाँ प्राप्त गरे । प्रतियोगिता अन्तर्गत हिमालयन शेर्पा क्लब सशस्त्र प्रहरीको एपिएफ क्लबबीच हुनेछ । नव जनजागृति युवा क्लबको आयोजनामा जारी प्रतियोगिताको विजेताले १० लाख र दोस्रो हुने टोलीले ५ लाख रुपैयाँ प्राप्त गर्नेछ ।
April 28, 2024
काठमाडौं (हाम्रो खेलकुद)– कर्णाली प्रदेशले महिला लिग छनोटमा तेस्रो जित हासिल गरेको छ । घरेलु मैदानमा कर्णालीले लुम्बिनी प्रदेशलाई ४–१ ले हराएको हो । सुर्खेतस्थित कर्णाली प्रदेश रंगशालामा भएको खेलमा घरेलु टोलीलाई जित दिलाउन सुनकला राईले २, वर्षा ओली र सन्जिता बम्जोङले समान १ गोल गरे । लुम्बिनकी कप्तान ममता पुनले गोल फर्काइन् । १८ […]
April 28, 2024
हिमाल खरेल, झापाझापाको बुद्वशान्तिमा सुरु भएको तेस्रो आदर्श च्यालेन्ज कप फुटबल प्रतियोगिताको उद्घाटन खेलमा विजयी हुँदै आयोजक आदर्श युवा क्लब सेमिफाइनलमा प्रवेश गरेको छ । ध्रुवतारा स्पोर्टिङ क्लबलाई २-१ले हराउँदै आयोजक अन्तिम चारमा पुगेको हो । आयोजकका लागि खेलको १७ औं मिनेटमा कप्तान पुजन थापाले पहिलो गोल गरे । रोमन भुजेलले दिएको क्रसमा पेनाल्टी बक्समा […]
April 28, 2024
एजेन्सी – साउदी प्रो लिग अन्तर्गत गएराती सम्पन्न खेलमा अल नासर विजयी भएको छ । अल नासरले अल खालिज माथि १-० को जित निकालेको हो । अल नासरको जितमा डिफेन्डर आईमेरीक लापोर्टले खेलको एकमात्र गोल गरे । ६८औं मिनेटमा मार्सेलो ब्रोजोभिचको क्रसमा उनले हेडर मार्फत गोल गर्दै खेलमा आफ्नो टोलीलाई जित दिलाए । जित पछि […]