विराटनगर (हाम्रो खेलकुद) – गोलबजारको प्रतिभा फुटबल क्लब सिरहा दोस्रो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगरस्थित जुट मिलको खेलमैदानमा बुधबार भएको खेलमा दमक एकेडेमी झापालाई ६ –१ गोलको फराकिलो अन्तरले हराउँदै गोलबजार फाइनलमा पुगेको हो ।

जितको लागि गोलबजारका कुलदेव काकी, अलमान, संजिव कार्कीले गोल गरे । गोलबजारका विदेशी खेलाडी अलमानले एक्लै तीन गोल गरेका थिए । जितसँगै गोलबजारले शुक्रबार हुने फाइनल खेलमा साइनो स्पोर्टस क्लब रानी विराटनगरसँगै प्रतिस्पर्धा गर्नेछ । पहिलो हाफदेखि दबाफमा राखेकोे गोलबजारले खेल सुरु भएको तीन मिनेटमै गोल गरि अग्रता लिएको थियो ।

खेल सुरु भएको तीन मिनेटमा गोलबजारले फल पाएपछि कुलदेव कार्कीले प्रहार गरेको फ्रिकिक गोलमा परिणत भयो । गोलबजारले पहिलो गोल गरेको चार मिनेट बित्न नपाउँदै ७ औं मिनेटमा बिनु आलेले निकालिएको बल बिदेशी खेलाडी अलमानले हेड गरेको बलले जाली चुम्यो ।
पहिलो हाफमा दुई गोल भएपछि दबावमा परेको झापाले खेलको १३ औं मिनेटमा राजन धिमलले गोल फर्काए ।

पहिलो हाफको थप गरिएको अतिरिक्त समयको अन्तिम मिनेटमा आत्मघाति गोल भएपछि गोलबजारले ३–१ गोलले अग्रता लियो । गोलबजारका सन्जित कार्कीले दायाँ कर्नरबाट गरेको प्रहार झापाका डिफेन्डर ओमप्रकास तामाङले बल रोक्न खोज्दा गोलमा परिणत भयो ।दोस्रो हाफदेखि एकपक्षिय खेल पस्किएको गोलबजारले खेलको ५० औं मिनेटमा सुजित कार्कीले कर्नरबाट निकालिएको पास बिदेशी खेलाडी अलमानले गोल गरेका थिए ।

खेलको ७३ औं मिनेटमा नरेश राईले कर्नर साइटबाट निकालिदिएको क्रस पासलाई संजिव कार्की गोल गरेका थिए । खेलको ७८ औं मिनेटमा गोलबजारका अलमानले गोल गरि टिमको जित सुनिचित गरेका थिए । खेलको ७० औं मिनेटमा गोलबजारका संजिक कार्की कडा प्रहार बाहिरयो ।
७७ औं मिनेटमा झापाका राजन धिमालले प्रहार पोसमाथिबाट बाहिरायो । खेलको म्यान अफ द म्याच गोलबजारका तीन गोल गर्ने बिदेशी खेलाडी अलमान घोषित भए । उनले नगद पाँच हजार रुपैयाँ प्राप्त गरे ।