काठमाडौं (हाम्रो खेलकुद) – २१ औं फादर मोरान स्मृती आमन्त्रण फुटबल प्रतियोगितामा सोमबार डल्फिन इङ्लिस स्कुल र नेपाल डनबस्को स्कुल विजयी भएका छन् । पासाङ तामाङको गोलमा डल्फिनले आयोजक सेन्ट जेभियर गोदावरीको पहेलो टोलीलाई १–० ले हरायो ।
सोमबार भएको दोस्रो खेलमा नेपाल डनबस्को लुभुले नेपाल एपिएफ स्कुल किर्तिपूरलाई ३–२ ले हरायो । डनबस्कोका लागि मिचेल तामाङले २ र अर्को गोल आर्यन बरालले गरे । एपिएफका लागि सुलभ सेन र सरोदया हमालले गोल गरे । २ गोल गरेका मिचेल प्लेयर अफ दि म्याच भए । अर्को खेलमा विद्या संस्कार उच्च मा.वि. र पुष्पाञ्जली माविले गोलरहित बराबरी खेले । सो खेलमा पुष्पाञ्जलीका प्रसिद्ध रेग्मी प्लेयर अफ दि म्याच भए । ‘कम टुगेदर एन्ड प्ले टुगेदर’ भन्ने नाराका साथ सञ्चालित प्रतियोगितालाई नेपाल टेलिकमले प्रायोजन गरेको छ ।
