एजेन्सी – सुरुवाती अग्रता जोगाउन नसक्दा इटालियन क्लब एटलान्टाले युरोपा लिगको क्वाटरफाइनलको पहिलो लेगमा जर्मन क्लब आरबी लाइप्जिगसँग बराबरी खेलेको छ । एटलान्टा र लाइप्जिगले १–१ गोलको बराबरी खेलेको हो ।

रेडबुल एरिना लाइप्जिग जर्मनीमा बिहीबार राति भएको खेलमा एटलान्टाका लागि लुइस मुरेलले गोल गर्दा लाइप्जिगले आत्मघाती गोल उपहार पाएको थियो ।

खेलको १७औं मिनेटमा लुइस मुरेलको गोलबाट एटलान्टाले खेलमा १–० को अग्रता लिन सफल भयो । उनले डेभिड जापाकोस्टाको पासमा गोल गर्न सफल भएका थिए ।

५८औं मिनेटमा घरेलु टोली लाइप्जिगले बराबरीको सुवर्ण अवसर खेर फाल्यो । मेरिह डेमिरलले क्रिस्टोफर एन्कुकुलाई फउल गरेपछि प्राप्त पेनाल्टीमा आन्द्र सिल्भा गोल गर्नबाट चुके । तर सोही मिनेटमा डेभिड जापाकोस्टाले आत्मघाती गोल गर्न पुगेपछि खेल १–१ गोलको बराबरीमा पुग्यो ।

एन्जेलिनोको उत्कृष्ट क्रसलाई जापाकोस्टाले ६ यार्डबाट क्लियर गर्ने क्रममा आफ्नै पोस्टमा गोल गर्न पुगेका थिए । त्यसपछि थप गोल निस्कन नसक्दा खेल बराबरीमा सकियो ।

अब दोस्रो लेग १४ अप्रिलमा एटलान्टाको मैदानमा हुनेछ । लाइप्जिगदाई सेमिफाइनल पुग्न जितको खाँचो रहँदा यही नतिजा कायम राख्न सके एटलान्टा अवे गोलको आधारमा अघि बढ्ने छ ।

अन्य नजिता
ब्रागाविरुद्ध रेन्जर्स (१–१), फ्रान्कफुर्टविरुद्ध बार्सिलोना (१–१) र वेस्टह्यामविरुद्ध लियोन (१–१)