2 years ago
April 9, 2022
काठमाडौं (हाम्रो खेलकुद) – मध्यपुर युथ एसोसियन र ब्वाइज युनियनले सहिद स्मारक ’बी’ डिभिजन लिग अन्तर्गतको आफ्नो अन्तिम खेलमा महत्वपूर्ण सफलता हात पारेका छन् ।
सातदोबाटोस्थित एन्फा कम्प्लेक्समा शनिबार भएको खेलमा मध्यपुरले नयाँबस्ती युथ क्लबलाई ३–१ गोल अन्तरले हराएको हो । मध्यपुरको जितमा सन्जिब थापा मगर, आशिक गुरुङ र यमन राजबाहकले गोल गरे । नयाँबस्तीका अभय धिमालले एक गोल फर्काए ।
जितसँगै मध्यपुरको १३ खेलमा १७ अंक पुगेको छ । पराजित नयाँबस्तीको १३ खेलमा १५ अंक पुगेको छ ।
‘बी’ डिभिजन लिग अन्तर्गत नै दशरथ रंगशालामा भएको खेल ब्वाइज युनियनले श्री कुमारी क्लबलाई ३–१ ले पराजित गरेको छ । ब्वाइज युनियनको जितमा विवेक राई, मिलन लिम्बु र रञ्जित गुरुङले गोल गरे । श्रीकुमारीका राज भुसालले एक गोल फर्काए ।
यो जितसँगै ब्वाइज युनियनले रेलिगेसन जोगाउने सम्भावना बढाएको छ । ब्वाइज युनियनको १३ खेलमा १६ अंक पुगेको छ । अब लिगको अन्तिम खेलमा जोड्यो । अन्तिम खेलमा टुसाल युथ क्लब र सामाजियक युवा क्लब पराजित भए ब्वाइज युनियन ‘बी’ डिभिजनमै यथावत रहनेछ । पराजित श्री कुमारीको १३ खेलमा १६ अंक रहेको छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]
