default_image

2 years ago

April 10, 2022

चौथो प्रयासमा खुमलटार शीर्ष डिभिजनमा बढुवा

काठमाडौं (हाम्रो खेलकुद) – आफ्नो अन्तिम तथा निर्णायक खेलमा जित र अर्काे खेलमा आँफु अनुकुल नतिजा निस्किएपछि खुमलटार युथ क्लब पहिलोपटक सहिद स्मारक ‘ए’ डिभिजन लिगमा बढुवा हुन सफल भएको छ । आइतबार लिगको अन्तिम खेलमा सामाजिक युथ क्लबलाई २–१ ले पराजित गर्दै खुमलटार ‘बी’ डिभिजन लिगको दोस्रो स्थानमा रहँदै पहिलोपटक शीर्ष डिभिजनमा बढुवा भएको […]

73 views

0 Bookmark

काठमाडौं (हाम्रो खेलकुद) – आफ्नो अन्तिम तथा निर्णायक खेलमा जित र अर्काे खेलमा आँफु अनुकुल नतिजा निस्किएपछि खुमलटार युथ क्लब पहिलोपटक सहिद स्मारक ‘ए’ डिभिजन लिगमा बढुवा हुन सफल भएको छ ।

आइतबार लिगको अन्तिम खेलमा सामाजिक युथ क्लबलाई २–१ ले पराजित गर्दै खुमलटार ‘बी’ डिभिजन लिगको दोस्रो स्थानमा रहँदै पहिलोपटक शीर्ष डिभिजनमा बढुवा भएको हो ।

सातदोबाटोस्थित एन्फा कम्प्लेक्सको खेल मैदानमा आइतबार खुमलटारको जितमा खेलको इन्ज्युरी समयमा पाएको आत्मघाती गोल नै निर्णायक बन्यो । बराबरीतर्फ धकेलिएको खेलको अन्त्यतिर विकास लिम्वुले आत्मघाती गोल गरेपछि खुमटार शीर्ष डिभिजनमा बढुवा हुँदा रानी पोखरी कर्नर टिम (आरसिटी) अभागी सावित भयो ।

खेलको १४औं मिनेटमा कप्तान सबिन केसीले गोल गर्दै खुमलटारलाई सुरुआती अग्रता दिलाए । ५७औं मिनेटमा सुरेश खत्रीले गोल गर्दै सामाजिकलाई १–१ गोलको बराबरीमा ल्याए । तर, खेलको इन्जुरी समयमा सामाजिकका विकास लिम्बुले आत्मघाती गोल गरेपछि खुमलटारले २–१ को महत्वपूर्ण जित निकाल्दै शीर्ष डिभिजनमा बढुवा हुन सफल भयो ।

वि.स.२०६२ मा दर्ता भएको खुमलटारले १३ खेलमा २२ अंक जोड्यो । समान २२ अंक भएपनि हेड टु हेडमा खुमलटार अघि रह्यो ।खुमलटारसँगको हारसँगै सामाजिक भने रेलिगेसनमा परेको छ ।

आइतबार भएको आफ्नो अन्तिम खेलमा आरसिटीले टुसाल युथ क्लबसँग गोलरहित बराबरी खेल आरसिटी पुन ‘बी’ डिभिजनमै कायम रह्यो । आरसिटीलाई बराबरीमा रोकेको टुसाल युथ क्लब पनि ‘बी’ डिभिजनमा कायम रहन सफल भयो । चर्च ब्वाइज युनाइटेड ‘बी’ लिगको च्याम्पियन बन्दै यसअघि नै शीर्ष डिभिजनमा तथा झम्सिखेल युथ क्लब यसअघि नै रेलिगेसनमा परिसकेको छ ।

गत वर्ष एक टोलीमात्रै शीर्ष डिभिजनमा उक्लने प्रावधान रहँदा खुमलटार अन्तिम खेलमा सातदोबाटोसँग पराजित हुँदै ‘बी’ डिभिजनमै कायम रहेको थियो । खुमलटार २०६४ मा ‘सी’ डिभिजन छनोट खेलेको थियो । २०७० को सिजनमा ‘सी’ डिभिजन च्याम्पियन भएर खुमलटार ‘बी’ डिभिजनमा बढुवा भएको थियो । त्यसपछि खुमलटारले चारपटक ‘बी’ डिभिजन लिग खेल्दै शीर्ष डिभिजनमा बढुवा हुन सफल भएको हो ।

क्लबका अध्यक्ष मनिराज विष्टले अघिल्लो सिजनको दवाव र टोल, टिमको समन्वयमा यसपटक जसरी पनि शीर्ष डिभिजनमा बढुवा हुने लक्ष्य राख्दा त्यसमा सफल भएको बताए । ‘अघिल्लो सिजनको उपविजेता हामीलाई यो सिजन शीर्ष डिभिजनमा जानको लागि दवाव रहेको थियो । टोली पनि त्यसरी नै निर्माण गरेका थियौं । त्यसमा सफल भएका छौं ।’ अध्यक्ष विष्टले भने, ‘सबै क्लबको मुख्य समस्या आर्थिक पक्ष नै हो । आर्थिक पाटोलाई बलियो बनाउँदै हामी शीर्ष डिभिजन खेल्नेछौं । गत सिजनदेखि नै हामीले यो प्रयास थालिसकेका छौं ।’

खुमलटारको ‘ए’ डिभिजन यात्रामा चार खेलाडी ‘सी’ छनोटदेखि निरन्तर रहे । कप्तान सविन केसी, आशिष सोनाम, मिलन बुढाथोकी र अनिल खड्का ‘सी’ छनोट खेलदेखि खुमलटारमा रहेका खेलाडी हुन् । राष्ट्रिय टोलीका सदस्य आयुस घलान र प्रशान्त अवस्थी गत सिजनको ‘बी’ डिभिजन लिगबाटै खुमलटारबाट उदाएका खेलाडी हुन् ।

March 28, 2024

सुरेश थापा क्षेत्री स्मृति फुटबलमा बाहुनडाँगी विजयी

हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]

March 28, 2024

फुटबल टोली स्वदेश फर्कियो

काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको‌ छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको‌ मंगलबारको ३–० […]

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

Success

Thank you for your time.