default_image

2 years ago

April 10, 2022

चर्च ब्वाइजलाई च्याम्पियन ट्रफी प्रदान

113 views

0 Bookmark

काठमाडौं (हाम्रो खेलकुद) – लिगको एक खेल बाँकी छँदै लिग च्याम्पियन बनेको चर्च ब्वाइज युनाइटेडलाई आइतबार च्याम्पियन ट्रफी प्रदान गरिएको छ ।

सातदोबाटोस्थित एन्फाको खेल मैदानमा ‘बी’ डिभिजन लिगको समापनसँगै चर्च ब्वाइजलाई च्याम्पियन ट्रफी प्रदान गरिएको हो । च्याम्पियन चर्च ब्वाइजले १५ लाख रुपैया र ट्रफी प्राप्त गरेको छ । चर्च ब्वाइज यस सिजनको बी डिभिजन लिगमा शीर्षस्थानमा रहँदै पहिलोपटक ‘ए’ डिभिजनमा बढुवा हुन सफल भएको टोली हो ।

चर्च ब्वाइजले कुल १३ खेलबाट २९ अंक जोड्यो । जसमा ९ जित र समान २ बराबरी र हारको नतिजा निकाल्यो । वि.स. २०६६ सालमा स्थपित चर्च ब्वाइज स्थापनाको १३ वर्षमै शीर्ष डिभिजनमा बढुवा हुन सफल भएको हो । चर्च ब्वाइजले २०७६ र २०७७ मा ‘सी’ डिभिजन छनोट खेलेको थियो ।

‘बी’ डिभिजन खेलेको पहिलो सिजन नै चर्च ब्वाइज च्याम्पियन बन्दै शीर्ष डिभिजनमा बढुवा हुन सफल भएको हो । चर्च ब्वाइजले ‘सी’ डिभिजन खेल्नुअघि मोफसलका विभिन्न प्रतियोगिताहरु खेल्दा ३० भन्दा बढी उपाधि जित्न सफल भएको थियो ।

आइतबारै लिगको महत्वपूर्ण खेलमा खुमलटार युथ क्लबले सामाजिक युथ क्लबलाई २–१ ले पराजित गर्दै लिगमा दोस्रो हुँदै पहिलोपटक शीर्ष डिभिजनमा बढुवा हुन सफल हुँदा रानी पोखरी कर्नर टिम (आरसिटी) आफ्नो अन्तिम खेलमा टुसाल युथ क्लबसँग गोलरहित बराबरीमा रोकिदा शीर्ष डिभिजनमा पुग्न असफल भएको छ ।

१४ टोलीको सहभागितामा गत फागुनदेखि शुरु भएको लिगबाट यो सिजन सामाजिक युथ क्लब र झम्सिखेल युथ क्लब रेलिगेसनमा परेको छ ।

June 26, 2024

बराबरीसँगै इंग्ल्यान्ड समूह विजेता, सर्बिया बाहिरियो

एजेन्सी – युरोपेली च्याम्पियनसिप २०२४ अन्तर्गत समूह सी अन्तर्गत अन्तिम चरणको दुवै खेल बराबरीमा सकिएको छ । जर्मनीको कोल्नमा इंग्ल्यान्ड र स्लोभेनियाको खेल गोलरहित बराबरीमा सकिँदा डेनमार्क र सर्बियाको खेलमा पनि गोल हुन सकेन । यससँगै इंग्ल्यान्ड ५ अंकका साथ समूह विजेताको रुपमा अन्तिम १६ मा अघि बढेको छ । डेनमार्क र स्लोभेनियाले पनि अन्तिम […]

June 26, 2024

फ्रान्स पोल्याण्डसँग इनबराबरीमा रोकियो

एजेन्सी – युरो कप २०२४ को समूह चरणको अन्तिम खेलमा फ्रान्स पोल्याण्डसँग बराबरीमा रोकिएको छ । पोल्याण्ड विरुद्ध १-१ को बराबरी खेलेसँगै फ्रान्सले समूह विजेता बन्ने मौका गुमाएको छ । गोलका लागि निकै संघर्ष गर्नु परेको खेलमा फ्रान्सले ५६औं मिनेटमा पेनाल्टी मार्फत अग्रता लिएको थियो । उसमान डेम्बेले माथि भएको फाउल पछि पाएको पेनाल्टीमा चोट […]

June 26, 2024

फ्रान्स र नेदरल्याण्ड्स रहेको समूहमा अष्ट्रिया विजेता

एजेन्सी – फ्रान्स र नेदरल्याण्ड्स भन्दा अघि रहँदै अष्ट्रियाले युरो कप २०२४ समूह डि मा शीर्ष स्थान हासिल गरेको छ । समूह चरणको अन्तिम खेलमा नेदरल्याण्ड्स माथि ३-२ को रोमाञ्चक जित हात पार्दै समूह विजेताका रुपमा अष्ट्रिया अन्तिम १६ मा प्रवेश गरेको हो । ३ खेलमा २ जित हासिल गरेको अष्ट्रियाको ६ अंक रह्यो । […]

Success

Thank you for your time.