एजेन्सी – युरोपा कन्फ्रेन्स लिगको सेमिफाइनलको पहिलो लेगमा फ्रान्सेली क्लब मार्सेले हार बेहोर्दा इंग्लिस क्लब लेस्टर सिटी र इटालियन क्लब रोमाले बराबरी खेलेका छन् ।

मार्से डच क्लब फियोनुर्डसँग ३–२ ले पराजित भएको हो । घरेलु टोलीको जितमा साइरेल डेसर्सले दुई तथा लुइस सिनिसटेरा एक गाल गरे । मार्सेका एहमाडोउ बम्वा डिइङ र जर्सनले गोल गरेपनि हार टान सकेन ।

नेदरल्यान्डमा बिहीबार राति भएको रोमाञ्चक खेलमा घरेलु टोली फयोनुर्डले १८औं मिनेटमा साइरेल डेसर्सको गोलबाट अग्रता लिएको थियो । २०औं मिनेटमा लुइस सिनिसटेराले गोल गर्दै घरेलु टोलीको अग्रता दोब्बर पारे ।

२८औं मिनेटमा बम्वाले गोल गर्दै खेललाई २–१ को स्थितिमा ल्याए । ४०औं मिनेटमा जर्सनले गोल गरेपछि खेल २–२ गोलको बराबरीमा पुग्यो । ४६औं मिनेटमा साइरेल डेसर्सले व्यक्तिगत दोस्रो तथा टोलीका लागि तेस्रो गोल गर्दै जित पक्का गरे ।

यो जितसँगै फियोनुर्डको फाइनल पुग्ने सम्भावना बलियो बनेको छ । अब दोस्रो लेगमा यही नतिजालाई कायम राख्न सके फियोनुर्ड फाइनल पुग्नेछ । मार्सेलाई फाइनल पुग्न घरेलु मैदानमा कम्तीमा पनि २–० को जितको खाँचो छ ।

यस्तै अर्काे खेलमा लेस्टर सिटीले घरेलु मैदानमा रोमासँग १–१ गोलको बराबरी खेलेको छ । किङ पावर स्टेडियममा रोमाका लागि १५औं मिनेटमा लोरेन्जो पेलिग्रेनीले गोल गर्दा लेस्टरले ६७औं मिनेटमा आत्मघाती गोल उपहार पाएको थियो ।

यो बराबरीसँगै दुवै टोलीको फाइनल पुग्ने सम्भावना जीवित रहेको छ । अब दोस्रो लेगमा सफलता हात पार्ने टोली नै फाइनल पुग्नेछ ।