काठमाडौँ (काठमाडौं) – नेपालले पछिल्ला तीन वटा उपाधि जित्दाका कप्तान विराज महर्जनलाई बिहिबार स्वयम्भुको द एक्सेल्सियर स्कुलले सम्मान गरेको छ । पाँचौ द एक्सेल्सियर कपको समापनका अवसरमा विराजलाई २५ हजार रुपैयाँसहित सम्मान गरिउको थियो ।
नेपालले गत बर्ष बंगलादेशमा सम्पन्न बंगबन्ध गोल्डकप कप,भारतमा आयोजना भएको १२ दक्षिण एसियाली खेलकुद (साग) को यू २३ र गत महिना मलेसियामा सम्पन्न एएफसी सोलीडारिटी कप तीनै वटा विराजकै कप्तानीमा जितेको थियो ।
विराजले खेल र पढाइ दुवैलाई एकसाथ अघि बढाउन विद्यार्थीलाई सुझाव दिए । विद्यालयका प्रबन्ध निर्देशक राम बस्नेतले विद्यालयतह देखि नै प्रोत्साहन र सम्मान गरेमा खेलाडीको उत्साह र मनोबल बढ्ने बताए ।
