एजेन्सी (लण्डन) – प्रीमियर लिगमा नतिजा उल्टाउदै आर्सनल स्टोक बिरुद्ध जित्दै प्रीमियर लिगको शिर्षस्थानमा पुगेको छ । १-० को नतिजाबाट ३-१ ले जित्दै आर्सनल अंक तालिकमा चेल्सिसङ अंक र गोल भिन्नतामा बराबर रहे पनि चेल्सी भन्दा धेरै गोल गरेको आधारमा शिर्ष स्थानमा पुग्यो ।
झाकाले जो एलेनलाई बक्समा फल गरेपछी पाएको पेनाल्टिमा गोल गर्दै पुर्व चेल्सी तथा लिभरपुलका मिड्फिल्डर चार्ली एडमले स्टोकलाई अग्रता दिलाएका थिए । तर हाल्फ अघी गोल गर्दै वालकटले आर्सनललाई पहिलो हाल्फमा खेलमा फर्काएका थिए ।
दोस्रो हाल्फमा ओजिलले गोल गर्दै आर्सनललाई अग्रता दिलाए भने अलेक्स अवोबिले गोल गर्दै आर्सनलको जित पक्का गरे ।
अन्य खेलहरुमा वाट्फर्डले एभेर्टनलाई र बर्नलिले बोउर्नेमाउथलाई ३-२ ले हरायो भने स्वान्सी सिटिले सन्डर्ल्यान्ड्लाई ३-० ले हरायो । त्यस्तै हल सिटी र कृस्टल प्यालेसले ३-३ को बराबरी खेले ।
