default_image

2 years ago

May 22, 2022

सन र सलाह दुवैलाई गोल्डेन बुट

एजेन्सी – इंग्लिस प्रिमियर लिग २०२१-२२ अन्तर्गत २३ गोलका साथ सर्वाधिक गोलकर्ता बनेका टोटेनहम हट्सपरका ह्युङ मिन सन र लिभरपुलका मोहमद सलाहले गोल्डेन बुट हात पारेका छन् । दक्षिण कोरियाका सनले टोटेनहमलाई चौथो स्थानमा रहँदै च्याम्पियन्स लिगमा छनोट गराउने क्रममा लिगको अन्तिम खेलमा २ गोल गर्दै सिजनको गोल संख्या २३ पुर्याएका थिए । यता दोस्रो […]

159 views

0 Bookmark

एजेन्सी – इंग्लिस प्रिमियर लिग २०२१-२२ अन्तर्गत २३ गोलका साथ सर्वाधिक गोलकर्ता बनेका टोटेनहम हट्सपरका ह्युङ मिन सन र लिभरपुलका मोहमद सलाहले गोल्डेन बुट हात पारेका छन् ।

दक्षिण कोरियाका सनले टोटेनहमलाई चौथो स्थानमा रहँदै च्याम्पियन्स लिगमा छनोट गराउने क्रममा लिगको अन्तिम खेलमा २ गोल गर्दै सिजनको गोल संख्या २३ पुर्याएका थिए । यता दोस्रो स्थानमा रहेर लिग टुंग्याएको लिभरपुलका लागि मोहमद सलाहले अन्तिम दिन पनि गोल गर्दै २३ गोल पुर्याए । प्रिमियर लिगमा समान गोल संख्या हुँदा उपाधि दुवैलाई प्रदान गरिने प्रावधान रहेको छ ।

सलाहले सर्वाधिक गोलकर्ता सँगै सर्वाधिक असिस्टको पनि उपाधि जिते । उनले लिग अवधिभर १३ असिस्ट प्रदान गरेका थिए । उनले २३ गोल गर्ने क्रममा भने ५ पेनाल्टी प्रहार गरेका थिए । यता सनले ३५ खेल खेल्दै २३ गोल गरे । उनले कुनै गोल पेनाल्टीमा गरेनन् । उनले १ फ्रिकिक गोलसहित ७ असिस्ट प्रदान गरे । सन प्रिमियर लिगको गोल्डेन बुट जित्ने पहिलो एसियाली खेलाडी हुन् ।

सिटीलाई लिग उपाधि

अन्तिम दिनको रोमान्चक खेलमा सिटीले लिग उपाधि जित्ने क्रममा एस्टन भिल्लालाई ३-२ ले पराजित गर्दा दोस्रो स्थानको लिभरपुलले पनि अन्तिम खेलमा वल्भ्समाथि जित दर्ता गर्यो । १ गोलले पछि परेको लिभरपुलले अन्तिममा ३-१ को जित दर्ता गरेपनि उपाधि जित्न सकेन । समग्रमा सिटी ३८ खेलमा ९३ अंकसाथ उपाधि जोगाउन सफल रहयो । यता लिभरपुल ३८ खेलमा ९२ अंकसाथ दोस्रो भयो ।

एक समय २-० ले पछि परेको सिटी उपाधि गुमाउने संघारमा रहेको थियो । खेलमा म्याटी क्यासले एस्टन भिल्लालाई पहिलो हाफमा अग्रता दिलाएका थिए । उनले ३७ औं मिनेटमा लुकास डिग्नको पासलाई सदुपयोग गर्दै घरेलु मैदान म्यानचेस्टर सिटीका समर्थकलाई स्तब्ध पारेका थिए ।

दोस्रो हाफमा सिटीले आक्रामक सुरुवात गरेपनि गोल गर्न भने सकेन । ठिक विपरित निकै रक्षात्मक देखिएको भिल्लाले काउन्टर अट्याकमा अग्रता दोब्बर पार्यो । ६९ औं मिनेटमा ओली वाटकिन्सको पासमा कोउटिन्होले पेनाल्टी क्षेत्र बाहिरबाट गरेको प्रहारमा गोलरक्षक एडरसनले कुनै प्रतिक्रिया जनाउन सकेनन् ।

७६ औं मिनेटमा रहिम स्टर्लिङको पासमा इल्काए गुन्डोगनले गोल गर्दै सिटीलाई खेलमा फर्काए । त्यसको दुई मिनेट नबित्दै सिटीले बराबरी गोल पनि फर्कायो । ओलेक्जेन्डर जिन्चेन्कोको पासलाई रोड्रीले पेनाल्टी क्षेत्र बाहिरबाट सुन्दर गोल गरेपछि खेल बराबरीमा आएको थियो ।

बराबरी गरेको दुई मिनेटपछि नै सिटीले अग्रता पनि लियो । केभिन डे ब्रुएनको क्रसमा गुन्डोगनले ६ यार्ड बक्स भित्रबाट गोल गर्दै सिटीलाई अप्रत्याशित अग्रता दिलाए ।

यता अर्को तर्फ लिभरपुल खेलको तेस्रो मिनेटमा नै पछि परेको थियो । पेड्रो नेटोले राउल जिमिनेजको पासलाई सदुपयोग गर्दै एनफिल्डका समर्थकलाई निराश पारेका थिए । २४ औं मिनेटमा साडियो मानेले गोल गर्दै खेल बराबरीमा ल्याए । उनले थियागो अलाकान्ट्राको पासलाई गोलमा परिणत गरेका थिए ।

दोस्रो हाफमा एक समय सिटी २-० ले पछि पर्दा लिभरपुललाई उपाधि होडमा अघि बढ्न १ गोल आवश्यक थियो । तर सिटीले आफ्नो खेलमा लगातार ३ गोल गर्दै ३-२ को अग्रता लिएपछि मात्र लिभरपुल अघि बढ्न सक्यो । ८४ औं मिनेटमा मोहमद सलाहले गोल गर्दै लिभरपुललाई अघि बढाए । ८९ औं मिनेटमा एन्डी रोबर्टसनले गोल गर्दै लिभरपुलको जित सुनिश्चित गरे ।

दुवै टोलीले जित हात पारेपछि सिटी १ अंकको अग्रतासहित लिग च्याम्पियन बन्न सफल रहयो ।

इंग्लिस प्रिमियर लिग अन्तर्गत सिजनको अन्तिम खेलमा सानदार जित दर्ता गर्दै टोटेनहम हट्सपर अर्को सिजनको यूईएफए च्याम्पियन्स लिगको लागि छनोट भयो ।

प्रिमियर लिगबाट रेलिगेसनमा परेको नर्विच सिटीको मैदानमा ५-० को फराकिलो जित हात पार्दै टोटेनहमले चौथो स्थान पक्का गरेको हो । टोटेनहमको जितमा ह्युङ मिन सन र डेजान कुलुसेभ्सकीले २-२ गोल तथा ह्यारी केनले १ गोल गरे ।

यस जितसँगै टोटेनहमले चौथो स्थान पक्का गर्ने क्रममा ३८ खेलमा ७१ अंक जोड्यो । आर्सनलले अन्तिम खेलमा एभर्टनमाथि ५-१ को सानदार जित हासिल गरेपनि २ अंकले पछि रहयो । टोलीले ३८ खेलमा ६९ अंक मात्र जोड्यो । आर्सनलले अर्को सिजन युरोपा लिग खेल्नेछ ।

टोटेनहमले खेलको १६ औं मिनेटमा कुलुसेभ्सकीको गोलमा अग्रता लिएको थियो । उनले रोड्रीगो बेन्टान्कुरको पासमा सहजै गोल गरे । ३२ औं मिनेटमा गोलरक्षक टिम क्रुलको फितलो पासको फाइदा उठाउँदै टोटेनहम २-० ले अघि बढ्यो । क्रुलको पासलाई रोड्रीगोले केनतर्फ दिएपछि केनले हेडरमार्फत गोल गरे ।

दोस्रो हाफको सुरुवातमा कुलुसेभ्सकीले सानदार गोल गर्दै ३-० को अग्रता दिलाए । ७० औं मिनेटमा लुकास मौराको पासमा सनले व्यक्तिगत पहिलो गोल गरे । त्यसको ५ मिनेटपछि पेनाल्टी क्षेत्र बाहिरबाट सुन्दर गोल गर्दै सनले ५-० को अग्रता दिलाए । अन्तिम खेलमा २ गोलसँगै सनले यस सिजन गोलसंख्या २३ पुर्याउँदै सर्वाधिक गोलकर्ताको पुरस्कारमा बराबरी गरे ।

March 19, 2024

पुलिससँग हारे पनि एभरेष्ट सेमिफाइनलमा

काठमाडौं (हाम्रो खेलकुद)- नेपाल पुलिस क्लबले आठौं आरबीबी एनभिए भलिबल च्याम्पियनसिपमा महिलातर्फ दोस्रो खेल जितेको छ। पुलिसले मंगलबार एभरेष्ट भलिबल क्लबलाई‌ ३-२ ले हराउँदै दोस्रो जित निकालेको हो । हारका बाबजुद ३ खेलमा ७ अंक साथ एभरेष्ट सेमिफाइनलमा पुगेको छ। पुलिसले एभरेष्टलाई २५-२७, २५-१८, २७-२५,२७-२५, १५-९ ले हराएको हो । सोही समूहमा त्रिभुवन आर्मीले पहिलो […]

March 18, 2024

बहराइन जान खोज्ने पदाधिकारीको नाम राखेपबाट अस्वीकृत

काठमाडौं (हाम्रो खेलकुद) – राष्ट्रिय खेलकुद परिषद (राखेप) ले राष्ट्रिय फुटबल टोलीसँग प्रत्यक्ष सरोकार राख्ने बाहेक अन्य पदाधिकारीलाई भने बहराइनको खेल हेर्न जानबाट रोक लगाएको छ । बहराइनमा हुने फिफा विश्व कप छनोट तथा एएफसी एसियन कप छनोट खेलका लागि एन्फाले फुटबल टोलीका साथ पदाधिकारी र अन्य गरि ४१ जनाको नाम बिहीबार स्वीकृतिका लागि राखेपमा […]

March 18, 2024

एट्लेटिकोलाई हराउँदै बार्सिलोना दोस्रो स्थानमा उक्लियो

एजेन्सी – बार्सिलोना आइतबार एट्लेटिको मड्रिडलाई ३-०ले हराउँदै स्पेनिस ला लिगा अंक तालिकाको दोस्रो स्थानमा उक्लिएको छ । खेलको ३८ औं मिनेटमा जोआओ फेलिक्सले गोलमा बार्सिलोनाले अग्रता लिएको थियो । यो सिजन लिगमा उनको त्यो छैटौं गोल हो ।  दोस्रो हाफको दोस्रो मिनेटमा रोबर्ट लेवान्डोस्कीले गोल गरेपछि बार्सिलोनाको अग्रता दोब्बर भएको थियो। ६५ औं मिनेटमा […]

Success

Thank you for your time.