3 years ago
June 9, 2022
काठमाडौं (हाम्रो खेलकुद) – एएफसी एसियन कप २०२३ छनोट अन्तर्गत तेस्रो चरणको पहिलो खेलमा नेपालले जोर्डनसँग खेलिरहेको छ । पहिलो हाफको खेल सकिँदा खेल गोलरहित बराबरीमा छ ।
पहिलो हाफमा जोर्डनले बल पोसेसनमा बलियो पकड बनाएपनि गोल गर्न सकेको छैन । अधिकांश समय आक्रमणमा व्यस्त रहेको जोर्डनविरुद्ध नेपालको मिडफिल्ड र डिफेन्स लाइन निकै व्यस्त देखिएको छ । गोलरक्षक दीप कार्कीले एक पेनाल्टीसहित केहि बचाउ गरेका छन् ।
पहिलो हाफको अन्त्यतिर गौतम श्रेष्ठले जोर्डनका मोहमद फैसललाई पेनाल्टी क्षेत्रभित्र लडाएपछि जोर्डनले पेनाल्टी पाएको थियो । तर डेब्यु गरिरहेका गोलरक्षक दीपले मुसा मोहमद सुलेमानको प्रहार बचाउ गर्दै नेपाललाई खेलमा कायम राखे । उनले आफ्नो बायाँतर्फ डाइभ दिँदै बललाई पोस्टको दिशा दिएका थिए । उक्त प्रहार दीपको हातमा लाग्दै पोस्टमा लागेर क्लियर भएको थियो ।
प्रशिक्षक अब्दुल्लाह अलमुताइरीले आजको खेलमा गोलरक्षक दीप र डिफेन्डर विकास तामाङलाई डेब्यु दिएका छन् । डिफेन्समा सुमन अर्याल, विकास खवास र गौतम श्रेष्ठ छन् । मिडफिल्डमा सुरज ज्यु ठकुरी, पुजन उपरकोटी र सेसेहाङ आङदेम्बे रहेका छन् । आक्रमणमा कप्तान नवयुग श्रेष्ठसँगै मनिष डाँगी र आयुष घलान छन् ।
March 15, 2025
एजेन्सी – अल-नासर साउदी प्रो लिगमा शुक्रवार जित निकाल्दै अंक तालिकाको तेस्रो स्थानमा उक्लिएको छ। घरेलु मैदानमा अल-नासरले अल-खलुदलाई ३-१ ले हराएको हो । अल-नासरका लागि क्रिस्टियानो रोनाल्डो, साडियो माने र जोन डुरानले गोल गरे। नवाफ बु वाशलले ५४औं मिनेटमा दोस्रो पहेँलो कार्ड पाएपछि १० खेलाडीमा सीमित भएपनि अल-नासर ३ खेलपछि पहिलो जित निकाल्न सफल […]
March 14, 2025
काठमाडौं (हाम्रो खेलकुद)- तेश्रो यलम्बर राष्ट्रव्यापी खुला ब्याडमिन्टन प्रतियोगिताको उदघाटनमा आज नेपाली राष्ट्रिय फुटबल टोलीकी चर्चित खेलाडी प्रीति राई सम्मानित भएकी छिन्। नखिपोट युथ क्लबको आयोजित प्रतियोगितामाप्रीतिलाई २५ हजार रुपैयाँ सहित सम्मान गरिएको हो । ललितपुर महानगरपालिका वडा १४ का अध्यक्ष अमृतजंग महत र आयोजक क्लबका कोषाध्यक्ष सुजन राईले प्रीतिलाई प्रशंसा पत्र र नगदसहित सम्मान […]
March 14, 2025
काठमाडौं (हाम्रो खेलकुद)- यसै महिना हुने एनसेल नेपाल सुपर लिग (एनएसएल) तेस्रो संस्करणकोखेलतालिका आज सार्वजनिक भएको छ। उदघाटन खेलमा चैत १६ गते डिफेन्डिङ च्याम्पियन ललितपुर सिटी एफसी र पहिलो संस्करणको विजेता काठमाडौं रेजर्सबीच प्रतिस्पर्धा हुनेछ। दशरथ रंगशालामा हुने एनएसएलको दोस्रो खेल चैत १७ गते बुटवल लुम्बिनी र झापा एफसी आमनेसामने हुनेछन्। चैत १८ गते एफसी […]
