एजेन्सी – यस वर्षको गोल्डेन ब्वाय अवार्डको शीर्ष १०० को मनोनयन सार्वजनिक भएको छ । अवार्ड आयोजक इटालियन आउटलेट टुट्टोस्पोर्ट्सले हरेक वर्ष युरोपका शीर्ष लिग खेल्ने प्रतिभावान यु–२१ खेलाडीलाई समावेश गरि शीर्ष १०० को मनोनयन सार्वजनिक गरेको हो ।

यसपटकको अवार्डको मनोनयनमा यसपटक प्रिमियर लिगबाट सबैभन्दा धेरै १० खेलाडी परेका छन् । यो अवार्डबाट एक क्यालेन्डरमा २१ वर्षमुनिका उत्कृष्ट एक खेलाडी पुरस्कृत हुने गर्दछ । यो अवार्ड दिग्गज खेलाडीहरुले जितिसकेका छन् ।

साविकको विजेता बार्सिलोनाका पेड्रीसँगै अन्सु फाती, निको, पाब्लो गाभी र एलेजान्द्रो बाल्डे पनि मनोनयनमा परेका छन् । स्पेनिस क्लब रियल म्याड्रिडबाट मिडफिल्डर इडुआर्डाे कामाभिंगा, बायर्न म्युनिखका जमल मुसिएला र रायन ग्राभेनवर्च, बोरुसिया डर्टमुन्डका जुडे बेलिङ्घम, करिम एडियमी, अन्सगर नफ, युसोउफा मौकाको र जियो रेना मनोनयनमा परेका छन् ।

रेन्नेसका जेरेमी डोकु, म्यानचेस्टर युनाइटेडका एन्थोनी इलांगा, जुरिचका वेलफ्रेड नोन्टो, आरबी लाइप्जिगका इलिएक्स मोरिवा, पिएसजीका नुनो मेन्डेस र भिल्लारिलयका यारेमी पिनो पनि मनोनयनमा परेका छन् ।

प्रिमियर लिगबाट हार्भे इलिएट, एडम डियालो, फावियो सिल्भा, कि जान होभर, पापे माटर यान काउटो, काक्पर कोज्लोस्की र जोइ जेलहार्ट मनोनयनमा परेका छन् ।

निर्णायकहरुले विभिन्न चरणमा खेलाडी कटौती गर्दै वर्षको अन्त्यमा विजेता घोषणा गर्नेछन् । निर्णाहरुले उनीहरुले गरेको प्रदर्शनको आधारमा क्रमश १०, ७, ५, ३ र १ अंक प्रदान गर्ने गर्दछ । गत वर्ष क्याटलान क्लब बार्सिलोनाका स्पेनिस मिडफिल्डर पेड्रोले यो अवार्ड हात पारेका थिए ।

हालसम्मको गोल्डेन ब्वाय अवार्ड विजेताहरु

२००३ – राफयल भन डेर भार्ट (आयाक्स)

२००४ –वाइने रुनी (एभर्टन/म्यानचेस्टर युनाइटेड)

२००५ – लियोनेल मेस्सी (बार्सिलोना)

२००६ – सेस फाब्रिगास (आर्सनल)

२००७ – सर्जियो अगुएरो (एट्लेटिको म्याड्रिड)

२००८ – एन्डरसन (म्यानचेस्टर युनाइटेड)

२००९ – एलेक्स पाटो (एसी मिलान)

२०१० – मारियो बालाटेली (इन्टर मिलान/म्यानचेस्टर सिटी)

२०११ – मारियो गोट्जे (बोरुसिया डर्टमुन्ड)

२०१२ – इस्को (मालगा)

२०१३ – पउल पोग्वा (युभेन्टस)

२०१४ – रहिम स्टर्लिङ (लिभरपुल)

२०१५ – एन्थोनी मार्सियाल (मोनाको/म्यानचेस्टर युनाइटेड)

२०१६ – रेनाटो साञ्चेस (बेन्फिका/बायर्न म्युनिख)

२०१७ – केलियन एमबाप्पे (मोनाको/पीएसजी)

२०१८ – म्याथियस डि लेग्ट (आयाक्स)

२०१९ – जोआओ फेलिक्स (बेन्फिका/एट्लेटिको म्याड्रिड)

२०२० – एर्लिङ ब्राउट हालान्ड (बोरुसिया डर्टमुन्ड)

२०२१ – पेड्री (बार्सिलोना)